Myanmar Vice President II Pu Van Thio Zogam hongzin

Feb 3, 2017 :: Chin State tualsuak Kumpi khat ahi, President huh nihna ahi Pu Van Thiou pen tuni zingin Kalaymyo vanleng tual ah nai 10am kimhongtung a, Zogam lam zinsuakhi. 12pm kim in Tonzaang lam helicoptor tawh zinto uha, Khuanu Khuapa te’n limtak in na dawn uhhi. ZCD maikai lam khat ahi Pu Pu Thang (fb) in “Dawnkul hetlo himah venmaw” ci in facebook ah gen hi.

Tuhun U Lian te pen ih maietzawh ciangbek hong panpih ding uh hilo a, gamkhan tohna ding asepding uh apansan uh ahihi.

Tonzaang Khuanu le pa ten deihngetna nam 9 bang na nei uhhi. Tuasung pan bangzahngah dingcih bel ih ettoh kullaidinghi. Kawlgam kilam dangna le khantohna tampi om in, Chin State ah Meeitha le Lam pi nasia tak in kipuah in, hoihlam manawhmahmah hi ta leh, North Chin state, Zogam lam bel mundangtawh tehna in, khantohna tawmmahmah lai cihdinghi.

Pu Van Thiou pen Falam gam tualsuak hi a, tuatung akhualzitsung in, Chin State, Falam gamhuam Lungpi Agr- Science sangpi honna zong neiding cihthukiza.
By: Banzaal/ Photo: Vunmang

Tonzang ah Vice President Pu Henry Van Thio kiang Tonzang Khuanu Khuapa te ngetsawm teng in #CS Mung

1. Taingen- Tedim- pan Tonzang ah Mei (24) Hours ngahzawh nading in မဟာဓာတ္အားလိုင္း (66) ေကဗီြ ngah nading

2. Tonzang – Phaitu – Lungtak – Tuikhingzang – Yarzachu pan Kalaymyo ciang lampi bawlzawh nading

3. Tonzang Zato ကုတင္(၂၀) pan ကုတင္ (၅၀) ah hong khattoh sakzawh nading

4. Tonzang ah Siahkaih Zum (အခြန္ဦးစီးရံုး) hong honsak kik nading uh

5. Singkung Logam Vaisai Zum
(သစ္ေတာရံုး) hong honsak nading uh

6. Tedim – Tonzang – Cikha kikal lampi te Lei Lampi ( ေျမသားလမ္း) te Suangphah Lampi ( ေက်ာက္ခင္းလမ္း) ah Suangphah Lampi te Kulta Lampi (ကတၱရာလမ္း) ah hong khattoh sak nading uh

7. Kawlgam leh India gam kikal aa aom Khen Man Khua Gamgi Bazaal aa hong hansak nading uh

8. Tonzang ah Town Hall khat neihzawh nading

9. Tonzang leh Cikha Khua te ah DVBT2 setTopBox khatta hong koihsak nading uh cihteng Tonzang Khuanu/ Khuapa te lam pan nget sawm uh cihthu kiza hi.

Tu Laitak Pu Hannery Van Thio te pen Tonzang leh Cikha Kikal kizopna Nakzang Lei en uh aa, Tuateng pan-in Rih Khua pan-in Tedim Khua ah giakding cihthu kiza hi. Zingsol