Myanmar, Shan gamah kumpi laivuanding apai mawtaw kibung, mi 5 si

Myanmar, Shan gamah kumpi laivuanding apai mawtaw kibung, mi 5 si

Myanmar, Shan State sungah sangnaupang pawlkhat Tan 4 leh Tan 8 kumpi laivuanding in apai laitak, mawtaw kibung ahih manin, mi 5 si cih Irrawaddy pan kiza hi. Asi mi 5 banah adangzong mi 17 bang liam cihi.

Shan State, Loilem Disctrict, Mong Kung Township sung aom Harm Ngai khuagei ah Monday ni zingsanglam in mawtaw atuahsia ahihi. Loilem General Hospital panin Superintendent U Zeya ii genkhiatna ah asi mi 5 te lakah mi 4 pen sangnaupang hi a, adangkhat pen mawtaw hawlpa cihi.

Hih mawtaw tungah mi 24 atuangkhawm cih kiza a, Tai 27 agamlatna Mong Kung khua ah Government’s Annual Exam laivuanding in apaikhawm uh cihi.

Mawtaw apaipai laitak in apei kitamvat ahih manin, mualpang ah kibung cihi. Mawtaw tuahsiatpen zingsanglam himahleh aliam mi 17 tepen nitak 8pm hunciangin Loilem Hospital kitunzopan hi.

Dr. U Zeya in banghangin hihzahtak in ziakai hiam cih katheizo kei ci a, aliamte lakpan in mi 3 pen Taunggyi General Hospital ah Tuesday ni in ki puaksawn Transfer sak cihi.

Hih tuahsiatna ah akizang mawtaw pen sanginn panin akivaihawm Official School Transportation ahihleh ahihlohpen Dr. U Zeya inzong gencian theilo ci a, sangnaupang tezong ki dongcian theinailo cih kiza hi. ZD Sawltak #zomidaily