A 14 veina ZOFA Cup 2019 vai zaksakna

A 14 veina ZOFA Cup 2019 vai zaksakna

A 14 veina ZOFA Cup 2019 vai Committee Meeting July 13, 2019 ni in kinei a tuatawh kisai hong kisuah saksa pan tawm puahphatna kinei hi. Pulaksa pan puahphatna hong at khawm ung.

1. Kipat ding ni pen October 28, 2019(Monday) ni hi ding hi. * (Kikhelna omlo)

2. Kum pen kiciangtan lo dinga open hiding hi. * (Kikhelna omlo)

3. Team pen 16 bek kisang ding hi. * (Kikhelna omlo)

4. Lutman pen Ks. 50,000/- hiding hi. * (Kikhelna omlo)

5. Namdang kisang loding a Zomi bek hiding hi. Zomi = Anu or apa Zomi ahih nakle kisang ding. * (Kikhelna omlo)

6. Kihel ding peuhmah in Oct 1, 2019 ni in ZYA HQ ah kisang dinga team min le team lutman piakpah hiding hi. Zum pan form hong kipia ding hi. * (Kipuah pha hi) Puahphatna a nuaia bang hiding hi.

– October 1-13, 2019 sung team lutnuam peuhmah in ZYA Zumah form kila thei ding a form man Ks. 2000/- ta hiding hi. Form lak kia tawh team lutin kiciamteh nailo hi. Team lutman kila nailo ding hi.

7. Form apkik ni ding pen Oct 19, 2019 ni nitak 5:00 PM a nunung pen in kisang ding hi. Tuani form ap zolo te Ks. 50,000/- kiliau sak ding hi. * (Kipuah pha hi) Puahphatna a nuaia bang hiding hi.

– Form apkik ni ding pen Oct 14-18, 2019 zumhon hun (9:00 AM – 4:30 PM) sung hiding hi. Team min le team lutman Ks. 50,000/- kila tading hi. Hong pia masa zui in kisang ding a team 16 a cin hunhun in kikhak ding hi. CV form tung ah A kihel ding mi te man(photo passport) tawh mi 18 akimte bek kisang ding hi. Paulap tuamtuamte kisang loding hi.

8. Tualpi ding pen Tahan tualpi a ki nget laitak ahih manin aki telteh hong kinung zaksak kik ding hi. * (Kipuah pha hi) Puahphatna a nuaia bang hiding hi.

– Tualpi ding pen Tahan North (Tahan ေျမာက္ပိုင္း ကြင္း) hiding hi.

9. Kihel ding teamte theih kholh ding in Saturday le Sunday ki tawlnga lo in fixture kibawl ding a kimawl zom suakding hi. * (Kikhelna omlo)

ZYA HQ  (ZYA Sports Department) Kalaymyo, July 14, 2019