Myanmar leh Italy gam-a ziinliing Updates

Myanmar leh Italy gam-a ziinliing Updates

Aug. 24, 2016: Zan nitakin khualzin mite muhnop mahmahna mun Bagan ah magnitude 6.8 a hat ziinlin’na hangin Hawaii News Now leh Channel News Asia in mi thum si hi a, Myanmar Times in bel mi li si ta hi ci-in suaksak hi. Wall Street Journal in leiseek-a kibawl pagoda 185 kisia hi ci-in suaksak hi. US Geological Survey in hih magnitude 6.8 hat-a ziinling pen Bagan leitawm lam-a om Chauk panin tai 15 mun panin hong kipan hi ci hi. Bagan pen Pagan zong kici a, hih munah kum zalom 10-14 lai-a kibawl pagoda leh temple kigawm 2,500 val om a, tam kisia mahmah a, a beisa kumte ah UNESCO in tampi puahphatsak hi.

Dr. Myo Thant, general secretary of the Myanmar Earthquake Committee in Bagan leh a kiim nak siat mahmah hi ci-in gen a, ziinling kipat mun panin tai 45 gamla-a om Pokokku khua-a police ulian Htay Win in Pakokku ah mi khat si a, tua pen leiseek kiciim in a den’lup hi ci-in gen hi. Ministry of Social Welfare, Relief Resettlement in Thitapwe khua-ah mi nih si hi ci hi. Pokokku aid agency “Save the Children” a sem Vincent Panzani in ziinliing ka tuah khak teng lak panin a hat pen hi ci hi.

Second 10 bang ziinliing hat mahmah ahih manin inn pua lamah ka tai khia uh hi ci-in email panin gen hi. Myanmar Times in Myanmar’s Relief and Resettlement Department ulian ten mi li si ta cih kitel a, stupa 68 leh pagoda tampi kisia hi ci-in gen uh hi ci-in suaksak hi. ATN Bangla television in hih ziinliing lai-in Bangladesh gam-ah van bawlna a nasemte ziinliin’ hangin patau in a taina lam un mi 20 in liamna tuak hi ci-in suaksak hi.

Italy gamah zan zingsang 3:36 am local time (01:36 GMT) in Umbria kiim-a om Norcia pan-a kipan 6.2 magnitude a hat ziinliin’ hangin mi 247 si ta hi cih kician ta hi. Prime Minister Matteo Renzi in hutkhiatna nasem ten inn ciim in a vukte hutkhiat ding nasia takin hanciam lai uh ahih manin a si leh liam tampi kibehlap lai dingin a lunghimawh thu gen hi.

Reiti kiim-ah press conference a neihna ah mi 368 kiim in liamna tuak hi ci-in gen hi. Reiti kiim-ah ziinliing hatna pen 6.0-6.2 magnitude ahi hi.Italy gam-a ziinliin’ hangin Perugia, Amatice, Norcia, Umbria kiim ah inn kiciim ziahziah hi. Kawlgam-a ziinliing pen hatzaw napi mi li bekin sihna a tuah pen i zawn i ngau manin i gam leh i mite kibit zawsop a, i zawn i ngau zong thupha khat na hi mawk hi cih kitel mahmah hi.
Source -Wall Street Journal/Myanmar Times/Hawwai News Now/Al Jazeera and Agencies

Thang Khan Lian