Singapore ah Myanmar innteeng nasemkhat kibawlsia, athu ki kansan

Singapore ah Myanmar innteeng nasemkhat kibawlsia, athu ki kansanlai

Singapore gamsung ah innteeng nasem “Domestic Worker” in aom Myanmar numeikhat kibawlsia, apang kibeng cih Video File ki khahkhia hi. Tua tungtawn in Ministry of Manpower (MOM) te’n athu ala akician in ka kankhiading uhhi ci’n zanni Friday (Dec 8) ni in genkhia uhhi.

Tua Myanmar innteeng numeinu pen Mangpau zong hoihtak in apautheilo khat hi a, tulaitak “National Trades Union Congress” te khutnuai aom “Centre for Domestic Employees” kici te’n huhin panpih uh cih CNA tungtawn in kiza hi.

Singapore Police te’nzong hihvai tawh kisai in Police Report kibawlkhin in, athu hoihtak aki kanciansan laitak, Investigation akibawlsan laitak hi ci’n genkhia uhhi.

Tua Facebook tungtawn in aki khahkhia Video sungah Myanmar gampan akici Foreign Domestic Worker khat ii huhngetna ki muthei hi. Tua numeinu pen lauthawngtuak mahmah a, abiang zong sanin akibetsakna hiding in ki ummawh hi.

Video sungah tua numeinu pen T-shirt Yellow Color khat silh in, bombi tom teeng hi. Mangpau pen hamsa saktuak mahmah a, athudongnu kiangah Phone Number khat agenlaitak ki muthei hi. Tua Phone Number pen asanggamnu ii Phone Number hiding in ki ummawh a, asanggamnu zong Singapore ah nasem in aom hileh kilawm hi.

Tua innteeng numeinu kiangah hongki benghiam ci’n Video zaihpen in adot ciangin himah cih lahna in alu kunsuk in, abiang ataklam zong aki betsakdan lahna in nihvei lak hi.

Tua Video atawpna ah numeinu ii abiang aki betsakna asan siuseu aki naizaih ki muthei hi.

Ministry of Manpower (MOM) te’n hih Facebook tungah aki khahkhia Video vaitawh kisai in katheikhin uh a, kumpi thunei te’n athu ala hoihtak aki kanciansan laitak hi ci’n genkhia uhhi.

Video: Young myanmar maid gets slapped & abused by employers in Singapore. Seeks help from neighbour.

“We are aware of a video on All Singapore Stuff of a foreign domestic worker who was seen to be in distress. The authorities are in contact with her and are currently investigating the matter. If you or your friend need help in emergencies, keep these useful contacts at hand.” ci’n MOM te’n gelhkhia uhhi.

All Singapore Stuff te’n Facebook tungah Video akhahkhiat khitciang in anuai ah Comments tampi ki muthei hi. Hih innteeng nasemnu pen ki hehpih mahmah a, abawlsia innteekte pen ki mawhsak mahmah hi. Bangzah in nasep agina hetkei phialzong in amahzong mihing khatmah hivevesam ahih manin, khutnga in bawlsiat kullo in cihmah ki limgelhpen hi.

More: Singapore ah Kawlgammi innnasem in aomkhat inntungdawn panin tuaksuk in sipah

Singapore gamsung aom innteeng nasem Domestic Worker te’n hamsatna khatpeuh naneih uhleh nong paikhiatna gam ii Embassy ah na zasakpah in ci’n MOM te’n hanthawn hi. Singapore gamsung aom Myanmar Embassy te ii Phone Number pen 6735 1622 ahihi. Na meltheih tanau khatpeuh innteeng in aomleh na gensawnpah in. Sawltak #zomidaily