Myanmar Gam Kumpi Kua Hiding Hiam?

2016 March 10 ni kitel ding hi.

• A) Upper House( Amyota Htutaw) pan khat hong ki nominate ding
• B) Lower House ( Pyituh Hluttaw) pan khat hong ki nominate ding
• C) Pukapte lakpan khat hong ki nominate ding

**tualak ah Vote tam ngah penpen khat in Kumpi sem ding hi.

1) Kumpi sem thei dingte

2008 Constitution tawh a kituak minu mipa in sem thei hi.

2) Aung San Suu Kyi in 2008 Con tawh kituak hiam?

Kituak lo hi, article 436 ( 59, F) in khit cip hi. A hihhang U Win Theng in ASSK pen kumpi suak limlim ding hi, a hun kiciang tan omkei, a kumpi suah theihnang na hihzah tak a kisem hi ci-in gen hi.

3) Committee Representing Peoples’ Parliament pan Kumpi ding kua kilawm hiam?

* Tutung kitelna ah CRPP te leh NLD ten buluak cileng kikhial lo hi. Tutung khon Tun Oo aw kiza nawnlo ban ah, Aye Ta Aung pen Hluttaw mun khat piakhin, tuamun na thei maw.

* Zomite mun hong kipia nailo, Pu Chin Sian Thang mun kipia nailo cih thu hi bilbel. Thusuak tampi in Zomite Kumpi suak ding ci, a hun lah gen thei tuan kei uh.

Pu Chin Sian Thang leh Pu Gin Kam Lian zong Article 436 ( 59, F) in khih veve dan hi.

4)2008 Con kilaih pak diam?

Pukap mangpa Min Aung Hlaing in laih ding teng laihkhin ungh ci hiau mawk, ni 9 bek omlai, laihpak sam dia mate.

5) Cikciang 2008 Con a kilaih zo tam?

2012 ciaphiat kitelna ah NLD pan Palai mi40 Hluttaw sungah alut uh, 75% ngah leh 2008 Con a kilaih ding hi a, 69 ngah in laihzo paklo.

A hihhang, tun Hluttaw sung ah Democratic forcete dim meimai hiven, kum 2 sung bang in laihzo uncia,
tuateh Thaang a, awkte suakta ta ve maw.

6. Tualeh tua Sangnaupang lungphoten a laihzo uhdiam?

Tuate mawtaw hawl Tanswe mite hikha lai unteh, ni9 bek omin lungpho cihpen politics paidan subuai nuam uh hi. Public Attention laihnuam, gam lumsak nuam uh hi lel uh ee

7. Tua leh kua Kumpi a sem tam

kumpi ding pen 2008 Constitution hi, Constitution gelhpen mihing hi, mihingte khutnuai ah Constitution om maw, Constitution nuai ah mihing om cih kiciat kum, pen tukum hi.

Kumpi ding kua aitam maw???

a hihhang politics pen Maths hilo hi.

A piangvat, a kikhel vat thei, a ut a nuam suak thei hi.

**Ihgam Kumpi ding galetna hi ei, Kumpi hoih, leh kiukna hoih ih neih meng2 nang thungen ciat ni.

Lungdam
Cin Lian Khai ( USA- Tawmvei)

Zomi in ka piang:
Zomi in ka nungta;
Zomi in ka siding.