India, Mumbai khuasung ah vanleng khat kiasuk in mi 5 si

India, Mumbai khuasung ah vanleng khat kiasuk in mi 5 si

India, Mumbai khuapisung aom innkilamsanna Construction Site khatah vanleng aneute khat kiasuk in mi 5 in sihlawh uh cih AFP pan kiza hi. Tuni Thursday ni in India gamsung mipi kinehcip phitphet in ateenna Mumbai City sung aom Construction Site ah vanleng akia hi a, vanleng sungah atuang mi 4 leh leilak aom mi 1 in asihlawh uh ahihi.

Mumbai police spokesman Deepak Deoraj in agenkhiatna ah tua vanleng pen aki bupsaapthei Chartered Plane vanlengneu khat cihi. Vanleng sungah atuangpen vanlenghawl Pilot khat leh adang mi 3 atuang uh ahihi.

Vanleng akiatsuk ciangin leilak ah khetawh avak Pedestrian khat dengsukkha citciat in, vanleng sungah atuang mi 4 tetawh akigawm in mi 5 in asihlawh ahihi.

Mumbai disaster management spokesman Tanaji Kamble in agenkhiatna ah tua vanleng pen mi 12 atuangthei 12-seater Aircraft khat hi a, tuni nitaklam 1:30pm hunpawl in atuahsia cihi.

Video: A chartered plane belonging to the state government crashed in a busy area of India’s Mumbai on Thursday killing at least five people, local police said. “The pilot, three passengers and a pedestrian died in the crash,” the Mumbai Police said in a statement. The plane, a Beechcraft King Air C90 turboprop, crashed in an open area adjacent to a building site in Mumbai’s Ghatkopar area and burst into flames just before landing, sources said.

India’s Directorate General of Civil Aviation (DGCA) te’nzong tua atuahsia vanleng pen Turbo-prop King Air C-90 namte hi ci’n genkhia uhhi.

Vanleng atuahsiat laitak in khuahun siatna bangmah omlo, guahzulo ahih manin hih vanleng tuahsiatna pen khuahun hoihlohna Weather hang hiloding kici hi.

More: India gamsungah Flyover lei khat kicim in mi 18 denglum

Mumbai police official te’n hih tuahsiatna aphual ah thukanding in Police Teams honkhat in tuahsiatna athu akancian laitak hi ci’n Statement ah genkhia uhhi. Vanleng akiatsuk ciangin meikuanggawp ahih manin, meiphelh mawtaw Fire Engines honkhat inzong delhpah ngeingai uhhi. Sawltak #zomidaily