Motor Accident tawh hongnusia Peter Lianpi ii “Lungzuan Zaila”

USA, Oregon State sungah Motor Accident tawh hongnusia Pa Peter Lianpi ii laphuah “Lungzuan Zaila” cih na ngaihsak un. A lamal te mahmahzong hoihtak na simsak un.

Simlei guabang hinsung ka lunggulh pen

angkawi ngaih leh ka von lungdeih teng tawh

taangbang dam laaikuang umkhawm liailiai ding

nuihciam leel zaideih awi khawm ding

lametna ni mual hong suakdek laaitak

Sian in anglaai tansa hi in cia maw

Zota te’n haibang ngakna Thai gam pan

Ngaih in gamli na hong zuatsan ta

Na pham lawhpihliang ii tawi momno zong

taang bang dam ei taangpaal no hi

ii tawi von teng leh khat tangh zuang zuapa

itna thupha hong puak laai aw

Thaai kawi ka ngaihna vonteng ka khual na’n

ka tawi sanggah thum te tuunnu dingin

ka thaai laizom sensang liapaalno tawh

tuun zua te’n tuibang hong gawm ee

Von teng tawh ka heina US gampan

tuunnu tuang tunding gaal sialbang dondon ung

tuunnu dinglah a heina Malay gampan

sinlaai kaidang singdang pomta ee

A si in hongkhen, a hingin hongkhen

ka zaalmang hileh ut singh maw

a si ngai aa kakah, ka luankhi tui na ngawn

kangh man nailo liangmah hiven

Peter Lianpi ii Lungzuan Zaila

Simlei ah hehnem ding ka neihlohding

kei hong hehnem Topa tung Sianmang hi

Apiang bangbang thuak siamna gualzawhna

lungnop khua muanna hongpia in.

Simlei ah hehnem ding ka neihlohding

kei hong hehnem Topa tung Sianmang hi

Apiang bangbang thuak siamna gualzawhna

lungnop khua muanna hongpia in.

Pa Peter Lianpi aw, na laphuah na lamal te in lungsim hong vutkha mahmah ei. Lungnuam in napai inmaw, tungthangvan ah na angkawi in hong ngaklah mahmahding hi. Na vontawi te tungthangvan pan thupha napiapia unmaw… ZD Sawltak #zomidaily

Dahpihna Lai & Sihgalna
Sia Tua Tuang adingbek dahpihna lai ahi zong, Ko Peter adingbek dahpihna lai ahi zongin, anih un akigawm in dahpihna lai ahi zongin www.zomidaily.org ah suahsaknop aomleh [email protected] ah hongkhak un, hong ki Publish sakding hi.

Tuamah bangin Sia Tua Tuang sihgalna vai a taangko nuam ahi zongin, Ko Peter sihgalna vai a taangko nuam ahi zongin, anih ading in sihgalna avaihawm, ataangko nuam ahi zongin aomleh hongkhak un. Hongki Publish khiading hi.