Moses Kim Tuang vai thumna

Moses Kim Tuang vai thumna

THUMNA – November 29,2021 (Monday) ni, sun 12:00 kiim pawl a Tedim gam, Taingen khua pan a kiman ka pu Pau Kim Tuang tawh kisai-in, It le ngaih le kong zahtak mahmah kipawlna tuamtuamte pan a tate le naute tung ah kong thum nuam hi.

Kei ka min Rev. En Khan Hau hi. Tu laitakin Kawlpi Tuiphum Pawlpi (Kalaymyo Baptist Church) ah Church Pastor sem ing. Ka khualui Tonzang gam Tuimang khua ahi hi.

Pu Pau Kim Tuang (Moses Kim Tuang) tawh kibehbul mahmah ung a, ka pu le ka pi na kibehten uh ahih manin, ka Pa ii pianna pute hong suak uh hi. Tua manin Pu ci-in sam zaw ing. A mah a pa Pu Cin Khan Khup in Nov. 29,2003 ni-in hong nusia khin zo a, a nu Pi Dim Ngaih Cing pen Sangsia pension khin hi-in tu in kum 70 val khin a, a tate sapna tawh Malaysia ah a innkuan un om uh hi.

A innkuanpihte Kawlgam ah khat zong omlo a, a man ih Zogam le ih Minam a vei luat manin a nu le a sanggamte nusia in Kawlgam ah hong ciah kik hi a, kei ma kep tohtoh ahi hi. A kimat ni pan tu ni dong hong suakta ding cih lemen denin ka khuadakdak uh tu in ni 6 hong bei ta hi.

THUMNOPNA.

1. Pu Kim Tuang pen khial hi, maan hi cih lam hilo-in u le nau, tanau vai tawh ka lunghihmawhna uh lian lua ahih manin mawhmatna a om leh zong ko a innkuanpihte nong hehpihna un a mawhnate maisak a, nong khah khiat nadingun lametna lianpi tawh kong thum uh hi.

2. A zenzen in khutkhialhna val kha a, a nuntakna a bei khin ahih khak leh zong ih Zo ngeina tawh bikhiahna (Vuibawlna) khat nei nuam kahih manun kisuanna (Aana = အားနာ) na om hetlo takin nong siang gen ding un kong thum nuam lai hi.

More: A luangkhia sisan koi ah kizang

3. Ka pu Kim Tuang a kemte omna mun thei hi le ung ko pumpi mahmah hong pai a holim khawm leng ka ut uh hi napi-in a mun a mual hong theilo kahih manun hih Face book pan kong thumna pen nong thupi sansak nadingun itna leh zahtakna lianpi tawh kong thum hi. Innkuanbup aitangin, Rev. En Khan Hau (DD) Kawlpi Ph. 09400473919 See less