Iraq galkap te’n Mosul leitawlam kilazo tahi ci
Nov. 15, 2016: Iraqi Federal Police ten ISte khuat sung panin Mosul khuapi sunga leitaw veng bup lam teng la kik zo ta uh hi ci-in Iraqi Federal Policete’ director of operations Fares Radi in tu ni-in pulak hi.
Mosul khuapi lak kikna dingin Oct.17 in Iraqi Joint Operations Command kici galkap tampi kipawl in, “Liberation of Mosul” kici na pan uh a, Mosul khuapi leitaw veng bup sung lak kikna dingin Ferderal Police ten ni nih nasia takin galdo uh a, Mosul khuapi laizang lam a kilut zawh hun ding pen gen theih nai loh a, ISte panmun hoih leh khauh dandan in kingah ding hi ci-in Fares Radi in gen beh hi.
Fares Radi in Mosul dona a kipat cil a kipanin Mosul leitaw lamah ISte guallel den uh a, tu-in Mosul khuapi laizang sungah lut theihna ding leh mainawt theihna dingin Joint Operations Commandte thupiakna kingak hi ci-in gen hi.
IS ten Mosul khuapi pen 2014 in a lak uh hi a, Iraq Prime Minister Haider Abadi in October 17 in Mosul lak kikna ding ” Liberation of Mosul” kici tawh galkap tuamtuam kipawlkhawm Iraqi Joint Operations Command kici sungah Iraqi army, Kurdish militias leh Sunni Arab tribesmen kipawl in Mosul khuapi leilu lam, nisuahna lam leh leitaw lam panin nawk uh hi ci-in pulak khia hi. -Sputnik/ Thang Khan Lian
Comment piaknop aomleh...