Nawituam sungah Diamond $300,000 valman apua numeikhat kiman
China, Shenzhen ah numei khatin Custom Officer te akhemzoding akisakleh khemzolo in ki maitang matpahlian cihi. Tua numeinu pen China Custom anawk laitak in, avan Luggage pen X-ray Machine tawh ki Check sak hi.
X-ray Scan akibawlna ah Custom Inspector te’n muanmawhhuai vanpawlkhat Luggage sungpan in mukhia uhhi. Tua X-ray Scan sungah laidal mawkmawkcia aphalo, Newspapers, Book, Paper Towel cihtetawh akibanglo laidal pawlkhat mu uhhi.
Tuaciangin Luggage hongkhiasak uh a, asungteng hoihtak azon uhciang in suangmanpha Diamond kileina Certificate honpikhat avansung ah akikoih, akithuap mukhia uhhi.
Tuaciang in numeinu pen Custom Officer te’n thusitna nei uh a, ahi zongin tua numeinu’n Diamond bangmah puakneikeng ci’n nialnial hi.
Video: Chinese customs intercepts woman with 124 diamonds hidden in bra
Tuaciang in numeinu apumpi Body Search abawl uhciangin anawituam kawmkal ah Diamond bekbek tang 124 aselsim mukhia uhhi. Tua Diamond tepen avekin agihna 17g bang pha a, amanzahding akituat ciangin US$317310 (Yuan 2.08 Million) bang manneiding ciliang hi.
Related: Bombi sungtenkawm ah vankham apua numei 4 Yangon Airport ah kiman
Suangmanpha Diamond puaktheih nadingin phalna Licence neilopi in, agukpuak himawk ahih manin avanteng leh ami kiman khawmpah a, Anti-smuggling Department te tungah ki ap cih The Paper News te’n genkhia hi. Hih thupiang pen tukum July khasung in thupiang hi a, ahi zongin CCTV panin Video Record tepen CGTN te’n tunai in hong khahkhiatpan ahihi. Sawltak #zomidaily
Comment piaknop aomleh...