Mithupi suahtheihna ding thu (15)

Mithupi suahtheihna ding thu (15)

1. Na lawhcinna, na gualzawhna leh na sepsa thuhoih te ngaihsunkik in. Laitungah gelh kik in.

2. Ki zem in. Ki puah inla mi lak ah kihel in.

3. Miminthang sa te leh mithupi te tangthu te simzel in.

4. Mipil te leh leitung a kikhelsak mi te thugenna te ngai kik kik in.

5. Na khat peuhpeuh sem niloh in.

6. Nuihmai inla mi phatsiam in. Na ngahkik ding hi.

7. Mi hanthawn inla na seppih theihpak a omleh seppih in.

8. Mi thupi ngaihsut inla lawm hoih telsiam in.

9. Nang sungaa om septheihna te manggilh kha kei in.

10. Na nuntakna sungah na tuahkhaksa na lungdam penpen hun te ngaihsun kik zel in.

11. Lungsimtawng a tungsa thukhat peuhpeuh ki phiatkik theilo a hihmanin thuhoihlo peuhmah ngaihsun kei in. Sim kei inla tuate en kei in.

12. Lawhsapna pan lawhcinna lianpi a ngah mite lungngai inla tuahangin thala in.

13. Kipawlna thupi te ah kipawl inla thu le la ki hawmsawm sak in. Na theih thuhoihte zong genkhia in.

14. Thu na genciangin na kihopih mipa maitang ensa in gen in.

15. Na silh le ten leh na kizaepdan, na maitangpuakzia a etlawmpen, a ithuai pen dinmunah koih tawntung in. See you at the Top by Zig Ziglar/ Siamsin Library

Lungkia kei in

Lungkia cihpen ih hatna thalegal a bei manin a kilungkia hilo hi. I tawlluatman, neihlelam abei manin kilungkia theilo hi.

Ih lungsim ngaihsutna sungah piangthei nawnlo ding, hi thei nawnlo ding hi ci in i up ciangin a kilungkia ahihi. Na lung a kiat leh (na ngaihsutna sungah na sep theih nawnkei leh) leitungah a guallel ding na hita hi.

A piangthukhat peuhpeuh tungah nuihna ding zong lel ni. Haksatna nuihsan lel ni. Nuihsan lel in, nuamtakin, hanciam selo in sem ding cihna hilo hi.

Hehsa, lungtom sa in i sep sangin nuihsa, lungdamsa in sem leng lungsim hong cidam sak ding hi.

Tua lungkiatlohna in sepzia ding, ngaihsutzia ding hong hilh in lawhcinna lampi tungah hong tungsak ding a hihi.