US Missouri State sung aom TV Tower khat kicim in mi 1 si, 3 liam

US Missouri State sung aom TV Tower khat kicim in mi 1 si, 3 liam

USA, Missouri State sung aom TV Station Tower tausangpi khat kicim in mi 1 in sihlawh a, adangzong mi pawlkhatliam cih Fox News pan kiza hi.

Tua TV Station Tower tausangpi pen asanna pi 2000 Feet dektak hi a, Thursday ni in akicim ahihi. Asi pen mi 1 hi a, adang aliampen mi 3 bang phading kici hi.

Missouri State, Fordland City huamsung aom hi a, Thursday zingsanglam in akipuk ciangin Fire and Emergency Crews te’n delhpah ngeingai uhhi.

Webster County Sheriff’s Office te genkhiatna ah hih TV Station Tower pen akicipna ahangtaktak kitheician nailo cihi. Ahi zongin migilo khatpeuh ii gitloh gamtatna “Criminal Activity” aomkha hiam, amathu in akipuk hiam cihpen hoihtak aki kancian laitak cihi.

Logan-Rogersville Fire Protection District te’nzong hih tuahsiatna ah asi omhi ci’n genkhia uhhi.

KTTS News te genkhiatna ah tua TV Station Tower apuksuk laitak in atungah Crews nasem pawlkhat aomlaitak cihi. Tua nasem tepen Tower ii asanna Pi 105 Feet pawlah aomlaitak in aki cimsuk cihi.

TV Station Tower akicipsuk ciangin nasem Worker khatpen Tower kawmkal ah awkcip in sipah a, adangzong nasem mi 3 liam uhhi. Adang aliam mi 3 te ahihleh nuntakna beilawhliang dingin agimsia omlo, Life-threatening kuamah omlo hi ci’n Springfield News-Leader te’n pulakkhia uhhi.

Logan-Rogersville Fire Protection District Assistant Chief Rob Talburt in agenkhiatna ah kamphatna tawh tua geinai ah asi aliam adang kuamah omkhalo bilbel hi ci’n genkhia hi.

Springfield News-Leader te genkhiatna ah tua TV Station Tower pen KSMU leh Ozarks Public Television te’n Broadcasting in azat uh cihi. Structure aneipen Missouri State University te kici hi.

More: Singapore, Sentosa aom Tiger Sky Tower vandawn ah nai 4 sung awkcip

Webster County sung aom khuasung mikhat ahi Lee Brown in agenkhiatna ah tua Tower akicipsuk laitak in aging puakzaizai ka galzak a, gin ngaihmahmah cihi. Tua Tower tungah nasemte pen koizaw Company te ii nasemte hiam cihpen kitheician nailo cih kiza hi. Sawltak #zomidaily