Mipil pa Kammal hoihtak ciamteh

Mipil pa Kammal hoihtak ciamteh

Vangliatna sangin lungduaina hoihzaw a, khuapi khat ukna sangin eima pumpi ki-uk zawhna hoihzaw hi.

Leenggahzu in kam tam sakin, khamtheih zu in kitawngsak a, zu khamna in haina ahi hi.

Lo khawh hun-a a kho nuam lo thadahpa in, tuk anlak hun ciangin bangmah nei lo ding hi.

Mi khempeuh in mi citakin kigen kim uh hi; ahi zongin a citak takpi ding mi kimu zo ding ahi hiam?

Mi khat thumanin a hoihin a nuntak leh, ama suan-le-khakte mi hampha ahi uh hi.

Topa in khuamuh nading mit, leh khuazak nading bil hong guan hi.

Lumlum lecin na zawng ding a, semsem lecin na hau ding hi.

Pilna tawh kam na pau theih leh, kham leh suangmanpha sangin a manphazaw a nei na hi hi.

A man lo-a kingah an in lim zungzung a, ahi zongin a nung ciangin suangtang hai khak tawh kibang hi.

Hoih tak-a geelna, midangte ngaihsutna dotna tawh nasepna taangtung hi; geelna kician om lopi-in galsim dingin kipan kei in.

Mi a gensia kawikawite muanhuai thei lo hi; tua banga mihai paute tawh kikhawl kei in.

Na nu leh na pa na samsiat leh, khuamial sunga meivak kisumit na bang ding hi.

A baihlam-a hauh pakna in, a tawpna ah phattuamna om lo hi.

Mite’ hong bawlsiatna thukkik ding ngaihsun kei in, Topa’ hong huh ding ngak in.

Pasian tungah piak ding na ciam ma-in hoih takin ngaihsun masa in; tua hi kei leh na kinungsik kha ding hi.

Nakpi tak-a satna in misia kimlai a pha hong suah a, nakpi tak-a vuakna in i sung tawng hoih lohna teng siangsak hi. Source – Paunak 20/ Siamsin Library