Mi 148 atuang Germanwings vanleng kia, anungta omding in ki lamen lo
French Alps ah tuni Tuesday ni in vanleng khat kia cih Fox News pan kiza a, tua vanleng tungah Passengers leh vanleng nasem akigawm mi 148 tuangkhawm uh cihi. France’s President in agenkhiatna ah anungta kuamah omlo khading hi cimawk ahih manin, mipi te lunghimawh mahmah a, patau mahmah uhhi.
France’s President Francois Hollande in hih vanleng kiatna mun pen mi atun pakpak zawhlohna munkhat hi a, tuamun ah akia vanleng Captain tetawh bangmah ki thuzak theihna omlo ahih manin anungta omloding cih agenkhia ahihi.
Akia vanleng pen Airbus 320 te hi a, Germanwings cih Airlines minnei ahihi. Germany gam Dusseldorf khua panin Spain gam Barcelona khua zuanin Passengers mi 142 leh vanleng nasem mi 6 tawh alengkhia ahihi.
Germanwings vanleng te pen Lufthansa Airline te khutnuai aom hi a, Budget Airline khat ahihi. Lufthansa Airline te ahihleh leitung ah aminthang mahmah Airline khatmah ahihi.
Germanwings vanleng tungah atuang mite pen atamzaw Germany gammi te dingin ki ummawh hi. ZD Sawltak
Comment piaknop aomleh...