Mexico vanleng tung khatah gul ahinglai kimu

Mexico vanleng tung khatah gul ahinglai kimu

Mexico gamsung aleng kawikawi ahi Commercial Flight vanleng tungkhat ah gul kimu ahih manin lamdang kisa mahmah cihthu AP News pan kiza hi. Tua vanleng pen Aeromexico Flight hi a, Sunday ni in Mexico gamsung aom Torreon City pan Mexico City lam zuanin alenlaitak gul akimu ahihi. Passengers te tutna ii atung aom Luggage Compartment kici vankoihna sungpan in anuailam ah a pusuak ahihi.

Passenger lakpan Indalecio Medina kicipa in gul amuhciang in Video nazaihpah a, Cabin Ceiling panin anuai ah akiatsuk madeuh zaihkhaman hi. Tuapa ii genna ah vanleng sungah Magazine kasim hithiat laitak in kagei ah atu Passenger pa in hih gul hongmu masa cihi. Asauna pen pi 3 bang phading in ummawh uhhi.

Passengers tezong patua mahmah uh a, akawlgak uh phelkhia mengmeng in gul leilak akiatsukma in kihemkhiamang uhhi. Tutna Rows 5 leh 6 kikal teng ah Blanket tawh kidal uh cihi.

Mikhempeuh kilau mahmah in kidai khipkhep cihi. Bang gulnam hiding hiam cih kitheinuam in pawlkhat dakgaugau himahleh tua gulpen aman ngam, akhoih ngam omlo cihi.

Hih vanleng pen Mexico City ah Priority Landing napiapah bilbel uh a, gul akimuhzawh Minute 10 ciangin vanlengtual ah tutheipah bilbel uhhi. Passenger khempeuh vanleng anunglam pusuahna panin pusuakkhiapah uh a, gul ahihleh Animal Control Workers te’n lakhia uh cihi.

Anuai ah YouTube Video tomno khat

Snake on a Plane Causes Emergency Landing

Aeromexico Airline te’n Statement akhahkhiatna uh a hih gulpen bangci bangin vanleng tungah hongtungthei cih hoihtak ki kankhiading ci a, hihbangdan apiannawn hetloh nading in ki hanciam mahmahding ci’n genkhia uhhi.

“Snakes on a Plane” ahih keileh “Vanleng tungah Gul” cih thulu anei Hollywood Movie bang hongphawksak mahmah hi. Tua Movie na etkhak naikeileh hih LINK ah apat pan atawpdong Full Movie ki entheiding hi. ZD Sawltak #zomidaily