Kuala Lumpur khuasung Monorail “four-car train” te tawmvei ki khawlsakphot

Kuala Lumpur khuasung Monorail “four-car train” te tawmvei ki khawlsakphot

Malaysia, Kuala Lumpur khuasung kikawmna in akizang “RapidKL Monorail” meileng tepen tawmvei ki khawlsak photding theStar pan kiza hi. Tua Monorail “four-car train sets” tepen System Check hoihtak bawlnuam uh ahih manin, tawmvei aki khawlsakding ahihi.

Hivaitawh kisai in RapidKL te’n Statement akhahkhiatna ah “four-car trains” tepen System Check kibawlding ahih manin, tawmvei kitaisaklo, ki khawlsak photding hi ci’n tuni Wednesday (Jan 24) ni in genkhia uhhi.

Tuabang in akhawlsakna hangin Monorail azangden khuasung vakte buaina aomloh nadingin Monorail Line dungzui in Shuttle Bus Services taisakding cihzong Rapid KL te’n genkhia uhhi.

Tuabang in Shuttle Bus Service tepen Monorail meileng lampidung ah Minute 15 halsim in taisakding kigeel a, ahi zongin khuasung ah mawtaw atamna Traffic zui in ahunpen genciantheih omlo hi.

Tua Shuttle Bus pen atuanman mikhat ciangin RM1 bek kilading a, tuapen apatpan atawpdong khatveituan “Trip” khat tuanman ahihi. Shuttle Bus pen zingsang 7am panin kipanin nitaklam 10pm dong taisakding uhhi.

More: Kuala Lumpur, Monorail meileng Station tungpan in numeikhat kiasuk in sipah

Monorail Service veve ahi “two-car trains” tepen angei mahbangin taisak uh a, ahi zongin Minute 13 halsim in khat cihbangbek in taisak uhhi. Hihbangin khuasung kikawmna anawngkaina aom hangin kongthuum uhhi ci’n Rapid KL te’n genkhia uhhi. Sawltak #zomidaily