Meitei vai lungphona ah zotna ~ Pu Thangboi

Meitei vai lungphona ah zotna ~ Pu Thangboi

Sayama Dim Lun Mang hong ki thahsakna vai ah ih Tangkona hong thukimpih kawl galkapte’ spokesperson Brigadier Major General Zaw Min Tun’ i thugen thukimna leh meitei thautawite deihlohna lungphona December ni 1 ni (Sunday) in Tedim ah ih neihsawm hi.

Tamu, Kawlpi, Tedim, Tonzang pan gam leh lei ading adiangngamteng a ut peuhpeuh kihel ding hi. Thuneite’ tungah phalna kingen ding ahih man in mi phazah ding genkholh kul hi.

Tonzang lam pan a kuanding teng akisap leh Tonzang pan mawtaw ih kawmsawm hi. Ki nileh a kipai ziau ding ahi hi. Tua ahih man in hih lungphona ah akihel nuam Kim Tuang tawh ki thuza khalo Tonzang gam pan apainuam peuhmah in amanlang in hong zasak un.

Tonzang lam pan apai teng ading sun an zong kigel nuam hi. Saikel tawh apainuamte zong sathau kithun sak ding hi. Lungphona sun nai 1:00 in kipan ding hi. (ZYA min tawh hilo hi) Lungdam, Mung Laan Thang (Tonzang, Zogam)

Tutung thupiang ah Nainganzi Theilo leh Nainganzi Thei te khentel zia ding

Nainganzi theilo te’n ‘Siamanu mimal vai a si hi’ ci ziau uh. Nainganzi thei a thumu zawdeuh te’n Zogam ah mimal vai in thautawh kikap lum cihbang a om ngeiloh lam ngaihsun thei. Nainganzi theilo te’n athatpa India a om hi ci.

Thu ngaihsun thei te’n bel “Atanu nusia liang in India ah teng mawk ding hiam? Tulaitak a azi atate zong Tulvel zang ah om hilo ahiam?” ci’n saikak uh. Thu ngaisun theilo te’n Oxygen om hileh anungta zo ding sa uh.

Thu ngaihsun theih te’n bel “Gil sung ah thautang hizah tum koihci nuntak zawh mawk ding. Zangkong khua laizang a thupiang khawng hileh bel zato thupite puakpah theih hi a, cih ngaihsun thei uh ahih man in tua vai kuppih vet ding a zong ngaihsun lo.

(Tua ni in ZYA-Tonzang ah kuamah in Oxygen hong ngen hetlo hi. Hong ngen peuhpeuh piakloh omlo hi. Zato pan aluang akipuak suk madeuh in cina khat kawlpi puak ding om a Oxygen bung 1 hong ngen uh hi. Bung 1 cingkei kha leh bung 2 la un kaci lai hi)

Pasian in bil 2 hong piak pen adeihna om ahih man in alang nih a zatding ahi hi. Genkhialh aom leh ngaidam, Mung Laan Thang (Tonzang, Zogam)