Malaysia, Tawau District sung aom “Tawau Water Village” akicihna khuasung ah zanni nasiatak in meikanggawp ahih manin khuasungmi 1500 bang innneilo “homeless” suaklian cih NST pan kiza hi.
Tua meikatna ahangpen thunei te’n kansan uh a, District Fire and Rescue Station operations head Martin Thomas in agenna ah meikat kipatna pen Electric meikhua te phalna omlopi in amauthu in azopna “illegal power conection” hangin meikang akipan hiding hi ci’n genkhia hi.
Hih khuapen abeisa kum 20 kiimpawl panin akipankhia khuaneu khat ahihi. Tuitung ah akilam khua hi a, innkilam te khatlekhat kineh mahmah ahih manin, meikat akipat ciangin kilawhpah ziahziah hi.
Kampung Hidayat khuasung mite’n Elecritic meikhuam panin amauthu in meikhau gukzopsim uh ahih manin, tuate panin meikang kipan hiding cih ki ummawh a, ahi zongin Lab Results ki ngaklai cihi.
Video: More than 1,500 left homeless in Tawau water village blaze
Firefighters te genkhiatna ah hih khuapen tuitung ah khatlekhat naicikcik in akilam hi a, Water Pressure zong hatzolo ahih manin meiphelhpen hamsa mahmah ci uhhi.
Nitaklam 5:11pm hunpawl ciangin ageinai aom bualtui panin Firefighter te’n tui hupthei uh a, tuaciang in meikat akilawh nawnloh nadingin Control zosam uhhi.
Related: Malaysia, Shah Alam sungah Damiah khat atawbo teng kikapliam in kiman
Ahi zongin inn akigawm in 200 bang kanggawp in ki siagawp hi. Tuaban ah asi aliam pen hoihtak ki kankhiathei pahlo ahih manin, bangmah genciantheih omnailo ci uhhi. Fire Department panin athu ala kancianlaiding uh a, pulakna neikikding uh cihi. Sawltak #zomidaily
Comment piaknop aomleh...