Meigong khattawh azi le ata sagihte khek

Meigong khattawh azi le ata sagihte khek

Malaysia gam a thupiang ahi hi…. A zi tawh a kiten zawh kum sawm sungin ta sagih nei uh hi. Ahi zongin hih mipa pen kum sawm sung ta sagih a neihpih a zi ang sung pan meigong numei khat ang sung zuan hi.

Ama genna ah, ka zi pen kizep kipuah zong kin mel lo ahih manin amah tawh ka om ciangin ka lungkia den hi ci hi. Ahi zongin tua ang a kawmpih meigongnu pen a pasal a sih zawh zong sawt nai lo a, khangmo lai mahmah ahih ban ah kep ke khoi dan zong siam ahih manin amah tawh ka om khop ciangin ka lungtai den hi ci hi.

Tua bek tham loin kei pen bazar ah anteh suak ka hi a, ka zi in ka lunggulhna hong dem zo ngei lo ahih ang dang a kawm ka hi hi ci-in gen hi. HIh thu pen Kisah Rumah Tangga min tawh a kibawl Fb Page sungah a kigelh thu hi a, WorldOfBuzz ah zong kisuaksak hi ci uh hi.

Ama genna ah, ang ka kawm lam ka zi in hong theih ciangin kap ding bek thei zawzop a, amah ka nusiat nopna bang hang cih amah le amah kithei nai lo lai hi ci-in gen hi.

Hih thu a kisuah masakna Fb Page ah mi tampi in amau muhna gen tek uh a, mi tul val bang in a pasal mawhsakin gen hi ci hi.

Behlap: Hih thu pen bawltawm ahi a, thutak ahi zongin innkuan sung nupa kaal sungah pasal in a zi khen ahi a, zi in a pasal khen ahi zongin nupa kikhenna le khat zawzaw in ang dang a kawm khak ciangin a genthei a cimawh taktak pen tanote mah ahi uh hi.

Nupa khat le khat kithukimna tawh a kikhente bang pen amau nu le pate khat le khat lungkim a kikhen hi lel uh ahih manin amau ading dahna le haksatna om lo ding ka ci tuan kei a, ahi zongin a khangcing nai lo tanote adingin nu le pa cih pen tate khut le khe zahin a thupi ahih manin nu le pate a kikhen uh tak ciangin tate cimawhin genthei mahmah uh hi.

More: Nupa omkhopna pen taneih nadingbek hilo hi

Tua hangin nupa pawlkhatte a kitot uh ciangin ka tate ka khual na hi kei leh a cih theih pen tate khual manin kigawp zo nawn lo zah dongin hehna dahna le lungkim lohna om hi mah leh tua ama hehna le dahnate a thuak tenna ding ka hehpih mahmah a, ahi zongin a tate a khualna hangin tua ama lungsim thuakna a liah a sel zawh pen thupi masa hi. BMK web pan kong let kik ahi hi. Job Cinpi