Meeting paizia (1) ~ J. Thang Lian Pau

Meeting paizia (1) ~ J. Thang Lian Pau

(Minam khantoh nang meeting siam kul) Meeting pen kihanthotna hun, report piakna hun, question & answer hun, agenda hun, Any Other Business (AOB) hun, thutom gen theihna hunin khen siam kul. Agenda kikup teh member teng hun (minute) kikim piak kul.

Meeting hun sawt sung

Khawmpi (assembly/conference) a hih liang kei leh meeting pen nai 3 sung kaan sawt kei leh. Meeting sung hun zat ding teng hun/nai ciangtan ciat kul. Gentehna, meeting pen minute 180 ding hi leh –

• hanthotna hun – minit 10
• thutom gen theihna hun – minit 10
• report piakna hun – minit 10
• question & answer hun – 30
• agenda hun – minit 90
• AOB hun – minit 30
• Report piakna hun, question & answer hun etc cihte meeting sim kul cihna hi pah lo. Hun khen dan ding gentehna pak.

Meeting Conductor

A ngeinaah meeting pen president/chairman in a makaih ding hi mahleh agenda vaiah a paupaunop ding leh midang a conduct-sak kul. Kipawlna pawlkhat in OB meeting hilo executive meeting-te conduct ding president/chairman hilo midang sehsa nei uh. President/chairman vive in meeting conduct pen thulai lak theihloh hun om.

Hanthotna hun

Emergency meeting ahih kei leh pawl makai (president/chairman) in hanthotna leh a gennop genna hun meeting patma minute 10 sang sawtzaw lo a zat zel hoih. Agenda kikup lai tak a paupau hoih lo leuleu.

Thutom gen theihna hun

Committee member pitou kipawlna vaiah lunghihmawh thute pulak theihna hun neih ngei loh hoih lo. Meeting teh agenda vai lutma mi 2 ta minute 5 tuak utut gen theihna hun zang ding taibana seh kholh zel hoih. Tua in agenda kikup teh agenda lopi gengen khâkna dal tuam thei.

Report piakna hun

Meeting teh makaite nasepna leh a diakin sum dinmun report zel kisam.

Question & Answer hun

OB meeting hilo executive meeting teh question & answer hun bâwl zel kul. Pâwl sung thu tawh kisai committee member ten dotnop, telnop a neih leh dot theihna hun bâwl kul. OB ten dik leh kician takin a dawn kul. Thu nawngkai pawlkhat kam tawh hilo lai tawh zong dotna bawl theih kisam.

Agenda hun

Agenda bangzah om, sawt kikup kul ding leh kul lo ding khen hoih. Gentehna, minute 90 sunga zawh sâwm ding bang hileh – Agenda A minute 40, agenda B minute 30, agenda C minute 20.

Meeting kah member 10 ahih leh mi khatin minute 9 ciat thugen theih hun nei ding cih danin hawm theih. Minute 9 zang khin zolo a om leh meeting zo baihzaw ding cihna. I ut tantan gen ciat sawm pen thuduh vai, picin loh vai hi.

AOB hun

Meeting sapnaa sehsa agenda a hi lo, member lak pan agenda guan behnop nei a om leh, tua pen member tamzaw in a poma leh saan kul. Tutung i gennoppi pen a tomin hun ciangtan bawl sitset a meeting neih hoih, cih hi. (A baan zop lai ding…) J. Thang Lian Pau