MCC-Tulsa in September 16-17, 2015 sung Conference nei ding

MCC-Tulsa in September 16-17, 2015 sung Conference nei ding

Laizom-te,
America gam, Tulsa khuapi aom Myanmar Christian Church, Senior Pastor Rev.Dr.Kham Khan Khai(Sia Khaipi) te makaihna leh thuvaipi hawmsiamna tawh kimuhkhoppi-na(Conference) September kha 16 -17, 2015 sungin nei ding cih thumanpha ki za hi.

Hih Conference pen “Myanmar Christian Churches Fellowship of America(MCCFA)” ci-in, USA leh Canada gam aom Kawlmi leh Zomite deidanna omlo, thuummi pawlpi khempeuh kimuhkhoppi-na ahi hi. Hicibang kimuhkhoppi-na pen abeisa hun lai in aom nailo a khatvei-na hi-a, tuhun thupiang tuamtuam te thupitak leh zaitak aa kikupkhoppi dingin lunggulhna nei hi. Tua ahih manin hih Conference pen tuhun aa pawlpi leh thuummite adingin phattuamna tampi piang sak ding hi cih upna ki nei hi.

Innteek Pawlpi-te hanciamna tawh Conference a pai Zinmangte ading tun’na, omna ding mun leh annek tuidawn vaihawm sak ding uha, zinte bel apai na ding Air Tickets a kipan adang abei khempeuh amau leh amau ki sik ding ahi hi.

Hih thu tawh kisai-in a lunglutte ahizong, a kician in a theibehnuamte ahizong thu kicing atheinuamte in hehpihna tawh Pawlpi Website “mcctulsa.com” ah ki en thei, ki kan thei hi-cih thuhoih thumanpha ki za ahih manin floridathupuak pan kong hawmsawn uh hi.

Lungdamna lianpi tawh,
Thupuak Tanute
Florida Thupuak
[email protected]
FLORIDA