Mawtaw hawlna Steering pan lungtang sitthei

Mawtaw hawlna Steering pan lungtang sitthei

Leitung ah mawtaw hoihnono abawlkhia Automakers te’n mawtaw sung nangawn ah Medical Monitoring Features ci’n cidamna lamsang ekciktheih nading setvan tuamtuam thuah uhhi. Toyota mawtaw thak pawlkhat ahzong mawtaw hawlte lungtang kisaaizia ettheih nadingin ECG Detection kithuahding cihi.

Mawtaw hawlte’n akhut uhpen Steering tungah angak uhciang in ECG Detection setpanin alungtang kisaaizia Heart Rhythms na ciamteh theihi. Tua Contact Sensor panin mawtaw hawlte deihlohpen alungtang a ngeina in naseploh nakhat aomleh ECG in natheipah a, tuakhit ciangin Accident aomloh nadingin mawtaw pen ama thu in ahatna kikhiam sukpahding cihi.

Tuaban ah mawtaw Accident aomkhak zenzenleh hih ECG setpan in Siavuan te, Medical Services te kiangah athu ala Data teng ama thu in napuak theiding cizen hi. Toyota Company te’n amau bawlkhiat mawtaw te ah hih ECG set thuahding ci a, ahi zongin bang Model leh bang hun akipan thuahding uh cih akician in genkhia nailo uhhi.

Tukum kipatcil laminzong Ford Company te’n amaubawl mawtaw te ii atutna ah lungtang Heartbeat ana encik theidingin Sensor tuah uh cihi.

Mihau gamleh gam khangto te ah hihbangin mawtaw sung nangawn ah cidamna ekciktheih nadingin ECG (Electrocardiography) thuahzomawk uhhi. Ih khamtunggam Zogam sungah ECG Detection set bangzah aom zentam? Ngaihsunsun leng ana mahhi. ZD Sawltak 2011-11-02