Colorado School District te ah sangsia te’n thautawithei tading

Colorado School District te ah sangsia te’n thautawithei tading

Dec. 16, 2015: US gam singtanggam a om Colorado school district ten zanhal (Wednesday) nitak in sangsia ten sangnaupangte campus sungah a humbit theihna ding uh ci-in sangsia ten thau tawi thei ta ding uh hi ci-in thukimna nei uh hi. Hih bangin phalna a om theihna dingin Hanover School District ah board member mi 28 om a, seh thum suah seh nih in sangsia ten thau a tawi theihna dingin vote khia in, thau tawisak ding a thukim ten a deih lote zo uh hi.

Hanover sunga district nih in sangnaupang 270 bek nei uh a, a gamlatna southeast Colorado Springs panin tai 30 (30 miles) hi a, tua munte law enforcement a tun’na dingin minutes bang kisam hi. Ahih hangin hih district-te leh district 4 sanginn ten thau tawi police (armed school resource officer) nei uh hi.

Board member Michael Lawson in sanginnte ah mipi ngimna tawh thaukapna (mass shooting) panin sangnaupangte humbitna dingin sangsia ten thau a tawi ding uh deih a, tua loin sanginn omna kiimte ah nganza (marijuana) kicing ahih manin mipi ngongtatna panin sangnaupangte humbit ding kisam hi ci hi.

School board President Mark McPherson in survey a kilakna panin mipite a deih leh a deih lo kihelh a, sangsiate thaukap ding dan sinsakna kipia ding a, mi kaplup theihna ding nei ta uh hi ci hi. Army officer pensen khat in bel thaukap siamte panin sangsia thau tawi ten sangnaupangte humbit zo lo ding uh a, thau pheng khah le uh classroom peuh kha zawsop ding ahih manin lunghimawhhuai hi ci hi.

More: Christian Hymn te’ tangthu: Khatvei Ciangin Khungkhau Tat-in

Dec. 12, 2012 in Connecticut ah Sandy Hook Elementary School ah sangnaupang 20 leh sanginn nasem (employer) 6 a kikaplupna hangin Colorado,Texas, Oklahoma leh California sunga sanginn pawl khat ten sangsiate thau tawisak ding deih uh hi. Sources : The Gazette and The Hindu/ Thang Khan Lian