Mangpha Pu Cin Sian Thang ~ Bob Tuangpi

Mangpha Pu Cin Sian Thang ~ Bob Tuangpi

Mangpha Pu! R.I.P Pu Chin Sian Thang! Nang tawh ih kikholh khop hun manphate na phawk tawntung ning e. Ka pu’ gual khat na hih hang kei’ading nangzah aa gamvai leh minam vai ka kiholimpih leh kikuppih ngelhngelh theih nang dan a it huai leh zahtakhuai eimi sungah om hetlo hiven.

Pu, nang pen tangthu tuanthu atel, thu mawk genlo, lungtang pha, akipasal sak ngiat minam leh gam ading pasal pha ( salpha) tatak na hi maw!

Tawllua ta mah ding hiteh, na kum in zongh ong cin mahmah tasam hiven, lung nuam tawldam lunghianglo takin na pai in maw!

Kawlgam, Zomi leh Zogam ading na tupna,ngimna leh na khaici tuh sate nikhat ni ciang’n hong po teitei ding a, Kawlgam, Zogam leitang leh Zomi omlai siah na min hong kilolo ding hi e.

Na maban khangsawn tuailaite in ahunhun akhang akhangin mualsuah ma dong na zom toto ding hi ung! Na damloh ka zak khit zawh asawtlo-in damkikta cih thu ka na zakkik teh ka lung nuam man hiven, tua kawmkal ah kei zongh na ngap mel hiaulo lailai ka hihna tawh kiho ding cihcih leh tun nang ong paisan ziau mawk maw!

Hih khuahun siapi teng hong ven leh cidam kimuh kik teh limtak kiho ding na lunggulhna leh gennop vaikhak nunung hong nei nuam hingel divecin nong Ph sap teh lah ka phone munkhat ah ka koih laitak peuh tawh kituak mawk aa…

More: Pu Cin Sian Thang in 21st Century Panglong Conference ah thugenna (Zokam)

Bangbang ai zongh abeisa kum (😎 val sung ih kithuahna hunlui, hun manphate ka dam laiteng na phawk tawntung ning e Pu!… Bob Tuangpi