Mangpha
Dr Bianca Son (Mang Khan Cing)
Ka Ciin aw,
Na tuailai te meelmawl laimah taleh lunglau kenla, lungmuang leh damtak napai khol in maw.
Na nua ciang, Zo Taang leh Zo Lia, Zo leitang te kilbang khang ding aa, zatam lai-ah laam bang kipaak ta ding hi. Zosuan te-aa ding na lungdeih leh na veina te nitkhat ni ciang Sian in mual hong suahpih pelmawh ding hi.
Zo Taang lobuang dingin ZoTaang zah aa salpha, na pil na siam na te it-siit lo-in, hangsan tak in, thu-maan na dinpihna te kua in zomto ding hiam? Kawl leh Vai te piaksa min tawh a vaitham sanggam melmak makai kici lehlam-sihthu pawlte kua-in lam-maan lak nawn ding hiam?
Zogam ah lamh kialo, ‘ka DNA ka test sak leh Mongolian origin – Zo sisan hing’ Ei Zomi te Middle Age hunlai tawh kibang hang’ nong cih ka bilkha in zaza lai e. Bangbang hileh, Zomi te iit lua kisa, khual nazit kal nangawn in, na angkawi Zokam theilo pipi innteek tangsak in, Zomi te lakah na tualbial sak, ki hongh mah si in cia.
Zomi te lam-et leh ki hehnep napi, Zomi diaspora te ii khangsawn masa (the first generation of the Zomi diaspora descedant) lak ah minam vei nang bek hipan ci-a, naakngawh ngamlo, mitdim tawh zong etngam loh hi ve-cin. Bang a ci ih hia maw?
Bawl theih hi leh, hong phalnai kei si ung e. A hizong tomkal nunsung na mipih te aa ding navei nasepna te lianlua khin. Kong it man-un, hun leh ni te kisot to thei leh na cici ungh.
Zosuan te hong hung, hong van, hong makaih ding Tungsian longal kuamah omlo, cih hong lak naive maw?
Mangpha, Dr Bianca Son, Mangpha.
Nantal’suan
Comment piaknop aomleh...