Ih tuahkhak zelzel Email tawh ki khemna

Ih tuahkhak zelzel Email tawh ki khemna

Email tawh kikhemna pen abeisa hunah aom tawntung hi a, mailam ahzong omden lailai dinghi. Tulaitak Email tawh khemna khat honglut a, midang te’nzong a ngahkha omkha theiding ahih manin mawk uppah lohding deihsakna tawh kong zasak uhhi.

Suspicious sign in alert

Hi, zomidaily@gmail.com 
We observed a sign-in attempt to your account from an unrecognized device on sunday,
june 16, 2014 01:25 GMT from an unrecognized device.

You’re required to verify your account to keep sending and receiving mails. 
if not your email will be blocked in few hours.

Please follow the below link to keep your account safe

Sign-in Verification

Google+ Tearn

Please do not reply. Mail sent to this address cannot be answered.

Hih Email sungah na Google Account pen mundang na zatngeilohna munkhat panin Sunday, June 16, 2014 01:25 GMT hun in ki Login hi.

Tua ahih manin na Google Account pen na sitcian “Verify” kulding hi. Tua ahih keileh na Gmail panin Email ki khakthei nawnloding a, bangmahzong hong lutnawnlo dinghi.

Tuateng tawh anuai ah Link khat koih uh a, tua Link pen Google Website tawh kisai lo hi. Adang Website khat ah hong lutpih dinghi. Tua ahih manin hihbangdan Email na ngahkhak uhciangin hoihtak sitcianpha unla, na Password hongki ngetsim in mawkpiak pahpah kei in.

Spam Mail bangci khentatding

Google te’n kisapna om in hong Contact ding uh hileh a Email pen @google.com cihkhattawh tawpkhading hi. Ahi zongin hihpen @mailbot.net tawh tawp ahihmanin thuman ahihlohlam ki theipah hi.

Anuai a Google+ Tearn cihzong Spelling khialpah ahih manin, up huailo pahhi. Google zizen in hong Contact hileh Spelling khialsamloding uhhi. Hih “Sign-in Verification” acih Link tungahzong na Mouse koihlecin Google te Website url hilo hi. Kidawm ni… Sawltak #zomidaily