Maldives gamah tuisik dawnding omlo in cimawh mahmah

Maldives gamah tuisik dawnding omlo in cimawh mahmah

Sengam te’n tuisik kisam in acimawh mahmah gamneu khat ahi Maldives te tuisik dawntheihding Ton 1000 vanleng tawh puakding uh cih Chinese Foreign Ministry & Defence Ministry in Saturday ni in genkhia hi.

Maldives pen Indian Ocean sung aom gamneukhat hi a, akhuapi ahi Male ah tuisik apia Company te vanzatteng meikang ahih manin, tuisik dawnding omlo in cimawh mahmah uhhi.

Tuisik takpi dawnding aomloh ciangin Sen kumpi te kiangah huhna ngen uh a, Chinese Foreign Ministry in tuisik dawnding huhna puaksakpah uhhi.

Hih Maldives gampen 2004 kum Tsunami in Asia gamsung hongnawklai inzong a tuahsia phadiak gamkhat ahihi. Tuikulhneu khat ahih mahbang in Sea Level tawh kinailua mahmah, niamlua mahmah a, tuk hun ciangin cimawhthei mahmah uhhi.

Tuisik takpi dawnding aomlo khuapi om hi. Nisim in tuisikbek hilo, nekding zong hongpiaden kuahiam? Lungdam ko zelzel ni. ZD Sawltak