Malaysia te galvanleng khat kia in Pilot 2 si, vanleng akiatna mun kimuzo nailo

Malaysia te galvanleng khat kia in Pilot 2 si, vanleng akiatna mun kimuzo nailo

Royal Malaysian Air Force (RMAF) te galsimna vanleng khat zanni in mangcip ahih manin tudong ki zongzonglai cih NST pan kiza hi. Terengganu State, Kemaman District sungah akiading in ki ummawh a, Search and Rescue (SAR) te’n Helicopter tawh zongkawikawi uhhi.

Kemaman Mini Zoo panin agamlalo Secondary Forest Area ah tuzingsang 8:45am hunpawl akipan Helicopter tawh kizongkawikawi hi.

Search and Rescue te’n galvanleng Fighter Jet pen gamtaampi sungah kiading in ummawh uh ci a, tuasung pen lampi paihaksa mahmah in, Four-wheel Drive Vehicles te bektawh ki paitheiding ci uhhi.

Royal Malaysian Air Force te galvanleng pen Hawk 108 Fighter Jet namte ci a, zanni zingsanglam 11am hunpawl akipan Pahang Kuantan Air Base panin alenkhiatzawh ki thuzakna omnawnlo cihi.

Royal Malaysian Air Force galvanleng tungah mi 2 tuangin akisin uh ci a, tuate pen kum 39 aphakhin Majors Yazmi Mohamed Yusof leh kum 31 aphakhin Mohd Hasri Zahari te ahi uhhi.

Hih vanleng tungah atuang minih tepen Terengganu, Chukai ah zanni nitaklam 2:30pm hunpawl in asisa in aluanghawm kimukhin a, vanleng asiat ciangin Parachute tawh alengkhia uh hiding kici hi.

RMAF chief General Datuk Seri Affendi Buang in agenna ah vanleng akiat ciangin meikuang leh meikhu cihte zong omtuaklo ahih manin, akiatna munpen zonhamsa tuam mahmah cihi.

Vanleng tungah atuang akisin mi 2 te lakah khatpa pen tuni in Titiwangsa Muslim Cemetery ah ki vuikhinta cihi.

Hihbangdan vanleng akiatna pen zonhamsa mahmah thei a, kalkhat bang hun lathei hi. Asawtlo in ki mukhiading in ki lamen hi ci’n Reporter te tungah genkhia hi.

Investigation Team te’nzong vanleng akiatna ahang akancian nadingun thu kipiakhin cihi.

More: Japan ah mi 9 atuang Helicopter khat kia in, 3 asisa in kimu, 6 kimuzo nailo

Deputy Defence Minister Datuk Seri Mohd Johari Baharom inzong hih asi Pilot mi 2 te ii a innkuanpih tepen ki nusialoding hi. Atate pilna sinsak in Tertiary Education azawh mateng in sumtawh ki panpihding hi ci’n genkhia hi. Sawltak #zomidaily