Geology pilna tawh kisai theihhuai thute ~ Victor Mungno

Geology pilna tawh kisai theihhuai thute ~ Victor Mungno

Kalay University ah 2003 pan kipan in Geology pilna kisin theita-a, kumsim in mi 120 kimbang kisang den hi. Pasal 80% le numei 20% kisang hi. Geology pilna nasin nop leh pasalte adingin tansawm matgawm atawm pen 320marks le numeite ading in 330 marks ngah loh phamawh hi. Cidam mahmah (A+) ahi mi hiding a, nai 4 sung in lampi tai 20 (20miles) bang lamsiau zawh ding kisam hi.

A tunga teng khempeuh a kicin leh kisang pan hi. Laisin kum kum nihna pan Kawlgam mun tuamtuam ah (Field) pai-in suang tuamtuam, lei tuamtuamte’ thu kantel in laisin kum lang sangkhak ciang ni 18 sung bang kipai zel hi. Field pen major subject pi sungpan subject khat ahih manin pai loh phamawh hi.

Thumasa

Geology pilna pen leitung asung a pua le leitung maitang-a apiang thute kantelna le sin cianna pilna sinna ahi hi. Tua ahih manin mihingte i tenna leitungpi-a apiang nate i thute tawh kizom hi. A diakdiak in anuai-a thute kantelna le sinna bulpi ahi hi.

(1) The origin and age of the earth.

Leitungpi a pianzia, kipatkhiatna le akum bangzah phata cih thute kantelna.

(2) The internal structures and composition of the earth.

Leitungpi asunglam a kibuptuahzia le a kilamziate kantelna.

(3) The chemical composition of the rocks and their genesis.

Suang nam tuamtuamte sungah om nate a kigawm, a kihelziate le ama i hong pian khiatna thu sinna.

(4) The primary and secondary structures of the rocks.

Suangte i hong piankhiat cil-a omzia taktak le tulai tak a-om apianzia a kikheldan tuamtuamte thu kantelna.

(5) The economic mineral deposits and their genesis.

Sumlepai, suang manpha a kizuak, a kizang thei nate, vante hong piankhiatzia, tua nate i azia atongte kan khiatna le sinna.

(6) The study of the ever changing morphology of the earth’s surface, and the natural forces and processes that cause an unstable, phenomenon of the earth’s interior.

Leitungpi i asung lam tang-a a kikhel denna dung zui-in lei maitang-a zong a tuamtuam in a kikhelna a om tawm nate’thu sinna.

(7) The geological history of the earth.

Leitungpi hong piankhiat cil pan hong kikhel tohtohzia a tangthute kanna le sinna.

Hih a tungah i muh thute i sin manin anuai a phattuamna tampi i ngah thei hi.

• (1) Suangmeihol le namgimtuite zonna.
• (2) Sik, sumngo, haak cihdan sik nam tuamtuamte zon khiatna.
• (3) Set van le na tuamtuamte bawlna ading a kisam vante zon khiatna.
• (4) Inn lamna, lei lamna le tui bem lamna ding cih bangdan in tuamtuam-a zat theih ding a kisam suang khauh, a hoihte zonna.
• (5) Leisung sumpiang le suang manpha tuamtuamte zonna.
• (6) I dawnding le i zatding tui siangtho zonna.
• (7) Tui bempite, tui luan nading hawkguam lianpite le lei kuahawm, lei kuahawm sungah apai meileng lam le mawtaw lampi tawh na, taih inn sang lian pipi lamna, lei le lampi lam nading le tawh nading amun a kilawm, a ho

(8) Leitungah nisim apiang i tuah khak zel ahi meimual puakkham, tuiciin tung le tui khang, lei kiam, lei kia, meencim, leitolh cihte le zinliing ding cihte kan in ahun lap-a i genkholh theih manin phattuamna tampi i ngah hi.

Geology pilna pen azai mahmah pilna khat ahih manin hih pilna i sin ciangin anuai-a teng tawh kizom in sinkhop le theihkhop kul hi:

(1) Physics (2) Chemistry (3) Mathematics (4) Biology. Physics le Chemistry cihte tawh Geology subject gawm-a i sinkhop ciangin Geophysics, Geochemistry ci-in kisam ahih pilna nam tampi a kigawm khawm pen Geology pilna kici hi. Geology subject i anam khente pen anuai-a bangin ki mu thei hi.

(1) Mineralogy

Leisung pan ama thu in hong piangkhia tawm van manpha tuamtuam thute sinna.

(2) Petrology

(Igneous) suang taak, (Sedimentary) tuipi taw adatte pan-a apiang suang le (Metamorphic) a pianzia lui nusia in adang suang nam a kikhel suang nam tuamtuamte thu sinna.

(3) Structural Geology

Suangte a kicianzia, a kilamzia le a kizop zia thute sinna.

(4) Economic Geology

Leisung sumpiang van manphate a kizat, a kizuak theihzia thute sinna.

(5) Stratigraphy

Suangzualpite en cian in akum, apianna amunte kanna le sinna.

(6) Paleontology

Tuma kum tampi lai-a om nuntakna anei khempeuhte luanghawm suang asuakte thu sinna.

(7) Photogeology and Remote Sensing

Leitungpi i nisim, nai sim a pianzia, a kikhel ziate leitung pua lam pan le vantung pan in maan zaih in kantelna le sinna.

(8) Field Geology

Geology pilna sinna ah nuntakna tha gui ahi, innpua le gam lak-ah pai-in nate thute kanna le sinna.

(9) Geomorphology

Lei maitang i amel asa omziate thu sinna.

(10) Exploration Geology

Siik, nam gimtui le namgim khute omna mun, zonna le tawhna dingte sinna.

(11) Mining Geology

Suang meihol, namgimtui le suang manpha nam tuamtuamte tawhzia ding sinna.

(12) Hydrogeology

Leisunga a-om tuite omziate thu sinna.

(13) Engineering Geology

Inn, gunlei, mawtaw lampi a tuamtuam lam nang a kilawm nading amun teel theih nading thute sinna.

(14) Gemmology

Suang manpha tuamtuamte thu le a taat ziading thute sinna.

(15) Petroleum Geology

Namgimtui le namgim akhu (natural gas) te hong pian zia le lei sungah a-omziate thu sinna.

(16) Advanced Surveying

Geology, leiteh zum (Land Record Office) le engineering-te adingin a kisam leiteh pilna sinna.

(17) Environmental Geology

Leitung kimlepam pianziate Geology pilna tawh kop khawmin kepcingna le kantelna.

Victor Mungno (Demonstrator Geological Department, Kalay University)