Zomi Christian tetung laikhak
To,
Leitung mun tuamtuam a om Jesu sung ah sanggam teng aw,
Nokiang ah Christian sung ciat na-ngawn,Pawlpi kidei dandan lai in, pawlpi khat leh khat ki gen siasia lai nai vua?
Kokiang ah cileng Christian ka hih nak uh leh ka khuazang bup, numei naupang cih om lo, ka tawlpan hong ki at ngekngek in hong ki that ziahziah ta, a hingtang pi mah in leisung ah hong kiphum in hong ki that ziahziah ta, ka lutang te uh thau tawh hong kikap zaan sak in, hong kithat ziahziah ta, khuasung mipi te mai ah singlamteh tung hong kikhai in hong kithat ziahziah ta hi.( Hong ki bawl siatna tuamtuam te internet sung ah na muh ciat mah bang hi)
Ka sisan te uh hong kiko keei ta na pi’in, no kiang pan, na za thei nai mahmah lo maw??
No teng kilem sawm nai mahmah lo maw???
Pawlpi khat leh khat muhdahna kammal te, gen gen lai ding , gensiatna lai te, at at lai ding maw????
Ko hong that te in maw, pawlpi min tuamtuam te hong dong se se nawn lo uh hi ei..
A tawpna ah,
Ko te sisan ki ko na te in, mun tuamtuam a om Christian te, kilemna ding hong hi ta hen la,ko kathuak bang uh,noteng in na thuak loh na ding, iPa Pasian kiang na gen sak nung maw…..
Itna tawh,
Sian ang sung a zuan,
Iraq gam pan Jesu sung ah na sanggam te,
August 2014.
[Tu teng Iraq gam thu piang pawlkhat ngaihsut kawm in, ei Christian te sung teng thu piang pawlkhat te et kak-na, mimal ngaihsutna khat hi.- Thomas Khai (London).]
Comment piaknop aomleh...