Malaysia Shopping Mall maikhat ah Awle khat ahing in kiman

Malaysia Shopping Mall maikhat ah Awle khat ahing in kiman

Malaysia, Sabah State sung aom Shopping Mall khat ii amai lamzikpi tungah Awle Crocodile khat ahinglai in kiman cih theStar pan kiza hi. Sabah, Kota Kinabalu khuasung aom Karamunsing Shopping Complex maiah tuni Saturday ni zingsangtung lamin Awle khat lamzikpi tungah natawl kawikawi hi.

Hih Awle pen Pi 6 val (Meter 2) bang sau in, lamzikpi tungah apaite’n amuhcil un Awle dingin ummawhlo uhhi. Lizard akici Tangteuh golpi tepawl hiding in ummawh uh a, ahi zongin Awle taktak nahimawk hi. Tuaciang in Civil Defence Department (JPAM) te amanlang in zasakpah uhhi.

Sabah JPAM Director pa ii genkhiatna ah Shopping Mall mai lamzikpi tungah Awle om cih zingsang 2pm hun in hongki zasak a, aphual ah kitaipah in Minute 3 sungin kimankhia zopah hi ci’n genkhia hi.

Hih Awle ii agihna pen 55kg hi a, koipan hongpai cih aki theihcianlian lohhang in ageinai aom hawkguam te panin hongpaikhia hiding in ki ummawh hi. Gitlohzong gitlohtuak mahmah cihi.

More: Iraq galkap te’n Mosul nisuahna lampan in nawkding hanciamsawm ta

Hih Awle pen amatkhit uhciang in JPAM office ah ciahpih masa uh a, tuakhit ciangin Wildlife Official te kiangah ki ap cihi. Hih Awle hangin kuamah aliam cihbang omlo hi. ZD Sawltak #zomidaily