Khedan le mihing nuntakna ~ Peter Suumpi

Khedan le mihing nuntakna ~ Peter Suumpi

Nidang lai in khedan bawlpa in abawlsa khedan kiang ah hibang in thu nam (5) na vaikha hi.

(1) Mite in nang akhut uh tawh hong sim ding aa laidal tung ah hong ta-at ding hi. Tua na thuakzawh leh na vaipuak azo na hi pan ding hi.

(2) A zum ding in tem tawh nang hong kihiam ding aa tua na thuakzawh khit teh na hoihna na phatna te na lak khia thei pan ding hi.

(3) Akhial ngeilo kua mah omlo hi. Khialna na bawl khak ciang in pilvang takin khephiat ii huhna ngen in. Tua hileh ahoih nate na sepna ah picing zaw ding hiteh.

(4) Laidal hoih tung ah nang hong kizat hun ciang in nidang aa sang in na thasan zaw inla na hoih theih tawp in hoih sawm in. Tua hileh na nuntakna tua laidal tung ah ahoih in kilang suak ding hi.

(5) Nang ii na thupitna bulpi pen na puatham hilo hi. Na sung aa om na tang hizaw hi.

Mihing te nuntakna zong khedan tawn khat tawh kibang hi. A lawhcing nuntakna na ngah zawh nading anuai aa thu (5) te ciapteh huai hi.

(1) Mite khutnuai ah nasem zo ding in kiniamkhiatna le thuakzawhna na neih ciang bek in na sunmang na lunggulhna te na tangtun zo bek ding hi.

(2) Nuntak haksatna, buainaa tuamtuam te ah paulap tuamtuam gen lo in na nawk ciang in na lungtang in thuakzawhna nei in athakhauh mi khat na suakzo pan ding hi.

(3) Nuntak sung akhial ngeilo kua mah omlo hi. Na khialh hun ciang in kiniamkhiat le pilvang takin kipuah inla midang te huhna zong ngen in. Tua hileh a etlawm nuntakna na nei ding hi.

(4) Nuntakna hatsa in na zawngkhal hun ciang in na tha nem saklo in na tha nasan zawk semsem ding ahihlam phawk in. Tua ahileh na nuntakna sung ah gualzawhna gahte na mukha ding hi.

(5) Na nuntakna sung ah athupi penpen na in na puatham melhoihna te hilo zaw in asung tawng aa om na lungsim puakzia hizaw hi cih atawntung in ciamteh in. Ref: www.rs66.com Lailet: Peter Suumpi Jan 14, 2018