Malaysia, KPJ Seremban Hospital ah Bomb omhi ci’n ki lauthawngsak

Malaysia, KPJ Seremban Hospital ah Bomb omhi ci’n ki lauthawngsak

Malaysia, Seremban vengsung aom “KPJ Seremban Hospital” akici zato khatah Bomb omhi ci’n mipi te ki lauthawngsak cih NST pan kiza hi. Zanni Tuesday nitaklam 4:45pm hunpawl in ami akitheilo “Unknown” khatin tua zato sungah Bomb omhi ci’n Phone tawh zaksakna neicitciat hi.

Tuabangin Bomb omhi cih lauthawng sakna akineih ciangin tua zato sungah aom cina, zato nasem khempeuh amanlang in ki pusuaksakpah ngeingai hi.

Hihvai tawh kisai in State Fire and Rescue Department director Norazam Khamis in agenkhiatna ah nitaklam 5:07pm hunpawl in Police te’n ko Fire Department te kiangah zaksakna hongnei uhhi ci’n genkhia hi.

Tuabangin zato sungah Bomb kikoih cih akizak ciangin Seremban Fire and Rescue Department Station pan Firefighter mi 18 leh Hazardous Material Unit (HAZMAT) te’n aphual ah delhpah ngeingai uhhi.

Zato sungah Bomb om cih akizasak himawk ahih manin, aomtakpi hi in apuakkhamding takpi hileh lauhuai mahmah ahih manin, zato sungah aom khempeuh ki pusuaksakpah ngeingai hi.

Video: Staff and patients at KPJ Seremban Hospital were ordered to vacate the premises following a call about a bomb scare from an unknown individual at 4.45pm this evening. State Fire and Rescue Department director Norazam Khamis said the department received the initial information from police at 5.07pm.

Tuabangin aki pusuaksak te lakah Normal Ward ah akikoh cina 117, ICU (Intensive Care Unit) pan cina mi 5, zato sungah nasem Staff akigawm in mi 169 cihbang avekin ki pusuaksak ngeingai hi.

Tua KPJ Seremban Hospital pen inndawl 8 Storey tak apha hi a, Bomb Disposal Unit, Dog K9 Unit cihte’n limtak in zato sungkhempeuh sitcianna Inspection neisitsetpah uhhi.

Tuabangin cina leh nasem te aki pusuahsak laitak in cina pawlkhat pen Hospital Parking Lot ah kikem a, pawlkhat cina agim phadiak tepen Tuanku Ja’afar Seremban Hospital (HTJS) ah ki puaksawnsak hi.

More: “Bursa Malaysia Building” ah Bomb om ci’n ki patau man mahmah

Hibangin cina luna te akikepna zato sung, ICU khawngah sidekdek in akikem lingliang te Bomb omhi ci’n ciamnuaihbawl in, mipi akhelbawl tezong bang lungsim nei uh hidinghiam cihnop huai mahmah hi. Cina luna te ki hepkhiat saklohding inlah, Bomb aomtakpi hi in puakkham takpi mawkleh thuneite mawhna hizelding. Hihbangdan Bomb ki lauthawngsakna pen abeisa 2016 kumsung inzong “Bursa Malaysia Building” ah omngei hi. Aphual ah Video zaihin kapaileh mipi te ki lauthawngtek veve ahih manin, nop supsup khollo hi. Sawltak #zomidaily