Malaysia, Serdang ah akithat Kawlgammi 5 te vaitawh muanmawh mi 15 kimanta

Malaysia, Serdang ah akithat Kawlgammi 5 te vaitawh muanmawh mi 15 kimanta

Malaysia, Serdang Industrial Park sungah abeisa kalsung in nasepna pan aciah Kawlgammi 5 ki thatlum cihi. Hihthu tawh kisai in Malaysia Police te’nzong athukanding in ana sulzuih uh hi a, tua akithat te vaitawh kisai in muanmawh mi 15 kiman cih theSun pan kiza hi.

Selangor Criminal Investigation Department (CID) pan ulian khat ii genna ah muanmawh akiman te pen kum 19 leh kum 50 kikalpawl hi uh ci a, Selangor CID te’n amatkhia uh ahihi. Tua muanmawh amatte lakah Kawlgammi Myanmar Nationals, Local Malaysians te leh East Malaysians tezong kihel uh cihi.

Hih muanmawh akimanteng pen ni 6 sung kikemcipding a, tuasung in hih Kawlgam mi 5 kithahna vai “Section 302 of the Penal Code for murder” tawh kizui in dotcianna, kancianna kineiding cih CID ulianpa’n genkhia hi.

Hih buaina apianpen January 05 ni hi a, zan 10pm hunpawl in Kawlgam mite anasepna Factory panin aciahlam in atuahsia uh ahihi. Atuahsia asi Kawlgammi 5 banah adang alawmte zong 11 tawh atonkhawm uh ahihi.

More: Malaysia gamsung aom Kawlgammi te kidop huai semsem

Lamdungzui in aciahkhawm, apaipai laitak un mawtaw nihtawh migilo honkhat in umcih in satgawp uhhi. Malaysia Police te upmawhna ah hih kithahna pen Malaysia gamsung aom Kawlgammi leh Kawlgammi sung buaina hiding in ummawh uh cih kiza hi. ZD Sawltak #zomidaily