Malaysia Putrajaya ah Ferry Bus khat tuahsia, gamdangmi 34 liam

Malaysia Putrajaya ah Ferry Bus khat tuahsia, gamdangmi 34 liam

Malaysia, Putrajaya Highway lamzikpi tungah tuzingsang in nasemte apua Ferry Bus khat tuahsia in mi 34 liam cih theSun Daily pan kiza hi. Hih Ferry Bus tungah atuang nasem acihte uhpen gamdangmi Foreign Workers vive ci uh a, tua aliam mi 34 te lakah khatpen limliam mahmah, gim mahmah ci uhhi.

Hih Bus Accident apianhun pen zingsang 7am hunpawl hi a, Putrajaya Persiaran Selatan km 3.7 mun ah ahihi.

Hih Ferry Bus pen Alamanda shopping mall lam zuanin ataivalval laitak akibung hi a, mawtaw pei Tyre kitam ahih manin akibung hiding in ki ummawh hi.

Sepang Police chief khat ii genna ah Bus Driver papen Malaysia gammi hi a, kum 27 aphakhin khat cihi. Bus pen apei taal in lamzikpi laizang adalna te aphukkhit ciangin leinuai ah kiasuk cihi.

Hih Bus Driver pazong hih Accident vai kancian nadingin thunei te’n manphot uh a, Road Transports Act tawh thu bawlding uh cihi.

Hih Bus tuahsiatna munah Cyberjaya Fire and Rescue Department panin ahuhding in vapai uh a, aliamte avek in Putrajaya Hospital ah zatui zaha kibawlding in kipuak cih kiza hi.

Hih Ferry Bus tungah atuahsia mi 34 te min ki pulak khialo hi. Putrajaya lamahzong Zomi nasem pawlkhat ki om himahleh kuamah kihel khalo hiding in lamen hang. Sawltak #zomidaily