Malaysia Bukit Minyak Light Industrial Park sung aom Plastic Factory khat mei kanggawp cih theStar pan kiza hi. Plastic Factory innpi abupphial in kangtum ahih manin, hih meikatna hangin supna akituat ciangin RM15 Million bang phading kici hi.
Meikat laitak in meikuang pen nasialua mahmah ahih manin 5km bang agamlatna aom Seberang Jaya leh Batu Kawan pekpan inzong meikhu leh meikuang ki galmuhthei hi.
State Fire and Rescue Department deputy director Mohd Shukri Hamzah in agenkhiatna ah zanni zingsang 11:15am hunpawl in meikang cih amau zumpi ah hongki zasak cihi.
Firefighters te’n mei aphehpah uhhang in nitaklam 12:43pm hunciang in phelhsiang zopan uhhi. Plastic Factory pen limkat mahmah ahih manin, 80% bang meikangtum ci’n genkhia hi.
Video etnopleh: Plastic moulding factory on fire
Meikatna Plastic Factory ii akiim apam ah meikuangbaih theiding Hazardous Chemicals Factories leh Warehouses tampi om ahih manin, meiphelh tepen patau mahmahkawm in, buaimahmah uhhi.
Firefighters bekbek mi 200 leh Voluntary Firemen tampi in aphelhhuan uhciangin meikuangpen ki phelhsiang zopan hi.
Related: Malaysia Factory khatah numei 172 te zawhthawh thutawh sila bangin nasem in kikhumcip
Meikatna aki upmawhna ah set asiatna “Faulty Machine” panin meikuang kipan hiding hi ci’n Security Guard te’n genkhia uhhi. Ahi zongin athu akicianzaw in ki kanbehlai cih kiza hi. ZD Sawltak #zomidaily
Comment piaknop aomleh...