Malaysia, Perlis ah golhgukne palik nih kiman

Malaysia, Perlis ah golhgukne palik nih kiman

MACC kici “Malaysian Anti-Corruption Commission” tepen Malaysia gamsung ah golhgukne atheihnak uhleh amankhia pahpah te ahi uhhi. Hih MACC te’n Malaysia gamsung, Peris State ah palik nihin golhgukne uh cih kithei ahih manin manpah uh cih theStar pan kiza hi.

Perlis State, Kubang Pasu District sungah tua palik nihte pen khuasung mipite cingdingin “Mobile Patrol Unit” avaklaitak in Ketum Leaf Distributors te kiangpan in golhguk ne uh ahih manin akiman uh ahihi. (Ketum pen singteh namkhat ahihi)

Tua palik nihte lakah khatpa pen Sergeant hi a, adang khatpa pen Corporal ahihi. Anih un Monday ni 2:20pm hunpawl in Kedah – Perlis State gamgi kikal ah Duty tawh aomlaitak un akiman uh ahihi.

Perlis MACC Director Yaacop Angah in agenkhiatna ah hih Police nihte akimatna ahangpen golhguk nekna Bribery hang hi a, RM4000 bang akigawm in golhguk nekna kitheikhia ahih manin akiman ahihi ci’n genkhia hi.

Golhguk akipiakna uh ahangpen Ketum Planter te’n Police tungah amatloh nading un golhguk apiak uh ahihi.

Malaysia gamsung ah golhguknek pen mawhnalian mahmahkhat in aciapteh uh hi a, “Section 17(a) of the MACC Act 2009” thukhun tawh kizui in amawhna uh akiciat taktakleh kum 20 bang thong kisakthei uhhi.

Golhgukne te amatsawm taktak uhleh Kuala Lumpur khuasung ahzong golhgukne palik tammahmah khading hi. Malaysia om Zomi te’n Pute ci’n tukzu akholhkholh teng avekin asum kigawmzen henla, Zogam khantoh nadingin akizekding hizenleh…..  ZD Sawltak #zomidaily