Malaysia, Penang ah leicim in Myanmar gammi 2 si

Malaysia, Penang ah leicim in Myanmar gammi 2 si

Malaysia, Penang aom Batu Feringghi sungah leicim (Landslide) in Myanmar gammi 2 si cih theStar pan kiza hi. Fire & Rescue Department te pulakna ah tua leicipna munpen innlam nasepna Construction Site khat ah hi ci’n genkhia uhhi.

Aphual ah amukha ahi kumpi thunei State Works Committee chairman Zairil Khir Johari in agenna ah Fire & Rescue Department te’n tua leicim in avuknelh te muhkhiattheih nadingin hanciam uh cihi. Jalan Batu Feringghi lampidung aom Hotel geinai ah leicim (Landslide) apiang hi a, akigawm in misi pen 4 pha uhhi. Tualak ah Myanmar gammi 2 akihel ahihi.

Asi adang mi 2 tezong Malaysian gammi hilo, gamdangmi vive mah kici a, mi 4 tak ahingtang in lei in vulhnelhcip in asihlawh uh ahihi.

Video: The victims were reportedly hired by a resort owner to build a retaining wall at the site after soil movement was detected in the area over the past week.

Mencipna munlian pen Jalan Batu Feringghi lamzikpi tunga om Lost Paradise Resort kici Hotel geinai ah hi a, June 25 nitaklam 9:21pm hunpawl in mencip akipan ahihi. Thuthang aki khahkhia masa pawlkhat ah kumpi thunei ahi State Welfare, Caring Society and Environment committee chairman Phee Boon Poh in agenna ah Myanmar gammi 4 sihi ci’n genkhia a, ahi zongin aki nungzakna ah Myanmar gammi 2 kici in, adang asi 2 te ii agammin pen kitheicianlo hi.

Aki helkha Myanmar gammi 2 akici tezong Permit kician neilo, Document kician neilo uh ahih manin, kuami kuasa cih ki theician nailo cisawnsawn uhhi.

More: Kachin, Hpakant suangkhuk ah mencim leitolh leuleu in mi 15 si, 46 liam

Athu akizakbehna ah Construction Site ah nasem te’n inn akilam nadingin leisung atosuk uh cihi. Leisung athukna Pi 14 (4.5 Metre) bang athuksuk in lei aki tawhsukna panin leicimsuk in, tualai ah nasem mi 4 te ahingtang in aki vuknelh sukkha cimawk hi. Sawltak #zomidaily