Malaysia gamsung ah sangnaupang kum 6 aphapan khat sangmawtaw sungah ki nusiakha ahih manin si cih theStar pan kiza hi. Sangmawtaw Van sungah nai 9 sung ki nusiakha in asi kici hi.
Asi sangnaupang pen kum 6 aphapan khat hi a, amin Muhammad Iqram Danish kici hi. Gombak, Rawang, Jalan Desa, Bandar Country Homes ah naupang kepnasang Kindergarten akah hi a, alawmte 3 tawh apaikhawm uh ahihi.
Nung Friday ni zingsang 8am hunpawl in sangkah dingin mawtaw in adawn hi a, Muhammad Iqram Danish pen mawtaw anunglam ah na ihmukha citciat hi. Mawtaw ahawl “Van Driver” papen kum 21 aphakhin khat hi a, mawtaw anunglam ah sangnaupangpa a ihmutlam phawkkhalo hi.
Nitaklam sangtuahhun 5pm ciangin mawtaw anunglam ah tua sangnaupang pen khuaphawklo in aom akimuh ciangin mawtaw sungah aki nusiacipkha ahihlam kitheipan hi ci’n Gombak Deputy OCPD Mohd Marzuki Mohd Mokhtar in genkhia hi.
Naupang khuaphawklo in akimuh ciangin amanlang in Hospital Sungai Buloh ah kipuakmah himahleh huih ngahlo in naklah “suffocation” tawh si cimawk hi.
Police te’n hihvai tawh kisai in “Section 31(1) of the Child Act 2001” tawh thubawl uh cih kiza hi.
Naupang kum 6 gualpen angek lualah hinawnlo, ateilualah hinai taklo in, lamkhat ah a it huai meelmeel mahmah laitak uh ahihi.
Related: Malaysia College sangnaupang numeikhat ata that ahih main thu kibawl
Anu apa te’n apilding deihsak in “Kindergarten” akahsak uh hiding a, zingsang innpan in 8am in akuankhia ahihi. Nitak aciahhun ngeimah in aciahding in anu apa te’n lamen mahmahding, inn atung kalding ngaklah mahmahding uh cih ngaitsutpih ciangin thuakhak samahmah mawk unteh maw… ZD Sawltak #zomidaily
Comment piaknop aomleh...