Malaysia news Zomi te kidawk masa penpen na hi

Hih pen star newspaper pan konglaak hi in a ki publish ni pen 3 October 2007 kum hi. Hih copy lian pen tuni dong mah kem lai ingh.

Thang Khawm Pauzomi ci in paragraph masa pen a kipatna lian ah kimu thei hi.

Tua hunlai in Sia Khawmpau pen ZAM ah kha sum piakloh beklo anman zong omlo in a lem dandan in Zomi te ading in a kipiakhia ZAM palaai tampitak lakpan in khat a hihi.

ZAM pen 2014 kum in UNHCR ii ciamtehna le pahtawina limci mahmah khat a hi, ‘best community award’ kipia demdam hi.

Tu hun teh Chin state sungpan kipawlna picing a hi, Chin Refugee Committee-CRC, Chin Alliance Refugee-ACR, Falam Refugee Organization-FRO, Dai Refugee Community- DRC le Zomi Association of Malaysia- ZAM in hamphatna a kibang lian in gambeel zumpi pan in a kibang in kamkuppihna, thu kizaakna le gambeel te ngah ding hamphatna khempeuh a kibang lian in ngahkhawm ta hi. Kimuhna le vai thupi te liangko kikim in thusunna le deihkaihna pulaak thei dinmun hita hi.

Tua hi le tuni a kipan hongpai lai ding hun te ah Zomi te in koicidan in mapangkhawm thei ding, koicibang sisan pih Zomi te huai thei ding le koici angvan ding, koici dan in Kampheen kullo Tedim Tsp, Tonzang Tsp, Cikha Tsp le kawlpi le tamu kuam pan Malaysia ah hongpai Zomi te koicidan lian kalsuan khawm bek hilo, lawng khat- sa khat in mabaan zomtokhawm ding cih thu a manphatzia ding le tua amanphatna sungah honghuaizo ding makaai picing kisam kha ding hi.

Minam makaai khat le Pawlpi Makaai khat pen kibang thei ngeilo hi. Minam Makaai khat in Pawlpi Makaai a sep ding a hoih sam hangin sem kei zaw le hoihzaw ding a, Pawlpi Makaai khat minam Makaai a seplohzawk ding thupi mahmah ding. Minam sungah kideidan a hi, tua Pawlpi/Biakna pan cihdan omtheilo in Zomi sisan sungah anungta a gamta te tawh kisaigai hi. Pawlpi/biakna ah bel na doctrine kibat pih bek tawh ki lungkimzolo in deihna le ngaihsutna a kibang te Pawlpi ah omkhawm a hihman in tuni in Pawlpi tampi kitamzaan hi.

Mailam ah zong Pawlpi kikhen lai bek thamlo a tangtat kuamah khutnuai a utlo, saisuk saitoh a deih kilkello Pawlpi tampi hong omlai ding hi cihpen gengen kullo kha lel ding hi.

Minam sungah Nang AG, RC, SDA, Tuiphum ci in kikhen theilo in minam zong a thak kiphuan theilo hi. Minam ih hihna pan zong kitaikhia or kitawp theilo hi.

Zomi te sungah ‘unity’ cih laimal ii a khiatna pen Pawlpi Makaai, Siate le nautaang teng biakinn sungah deihphatak in Sunday school program pan pulpit dong ah ihzahtaak ding hitaktak ta hi.

‘Zomi mah maw or hamphatna’
Laisim mimal Topa thupha!!!

Francis