Malaysia naupang kum 3 khat apa mawtaw hawllaitak suangleng khatin denglum

Malaysia naupang kum 3 khat apa mawtaw hawllaitak suangleng khatin denglum

Malaysia gamsung ah innkuan khat khualzinna panin aciahlam suangtumleng khatin atapa kum 3 aphapan khat dengkha citciat in si cih Straits Times pan kiza hi. Zanhalni Friday (September 02) ni in thupiang hi a, apianzia pen lamdang kisa mahmah hi.

Tua khualzinte pen innkuan mi 5 apha uh hi a, amai ah apa in hawlin agei ah azi tukawmsa in atano uh kum 3 aphapan khat apheitung ah tawikawm hi. A adang atate nihpen mawtaw nunglam ah tu uhhi.

Hihte innkuan pen Kota Tinggi panin innlamzuan in hongciah uh hi a, Johor Baru-Kota Tinggi lamzikpi tungah sun 2pm hunpawl in Pulada Army Camp lam zuanin mawtaw tawh ataitai uh ahihi.

Taman Saujana akhenkhitdeuh uhciang in suangtum khat hongleng in mawtaw man Windscreen pailetsuak a, azi in atawi ata ngek kum 3 ii alu khacitciat hi. Alu panin si phulkhia ziahziah a, azi zong kapgawp in kugawp hi.

Tuapan in khualzin midang te huhna tawh Ambulance sapsak uh a, atapa pen Sultanah Aminah Hospital ah puakpah uhhi. ICU (Intensive Care Unit) ah hoihtak kikem in kikhoi himah leh azingciang in anuntakna beiziau hi.

Anu leh apa te’n Police Report bawl uh a, banghang in hibang in suangleng omtheihiam cih lamdang samahmah uhhi. Mihing ii khuttawh lotding in gollua ahih manin, koipan hongleng hidinghiam? Kazi lah sukha hetlo in, hihpen na lamdang Miracle khat hi ci’n apa in Reporter te kiangah genkhia hi. ZD Sawltak #zomidaily