Malaysia: Naupang kum 2 aphapan khat mawtaw tungpan kia in si

Malaysia: Naupang kum 2 aphapan khat mawtaw tungpan kia in si

Malaysia gamsung ah naupang pasalno kum 2 bek aphapan khat mawtaw tungpan kia in si cih NST pan kiza hi. Hih naupangno pen anu leh apa tawh mawtaw atuangkhawm uh ahihi. Apa in Driver Seat ah tu in mawtaw ahawl hi a, anu pen Front Passenger Seat ah apatawh atukhawm uh ahihi.

Kum 2 bek aphapan atapa uhpen amahguak mawtaw nungah tusak uhhi.

Hihte innkuan pen mawtaw tawh zannitak Jalan Lebuh Cemerlang lampi tungah avak uh ahihi. Apa in mawtaw U-turn abawl laitak in mawtaw anung kongkhak kihongkha citciat in anung a aom atapa pen lamzipi tungah kiasuk citciat mawk hi.

Amau mawtaw nunglian ahzong mawtaw khatin azui hi a, atapa uh akiat ciangin khawlman nawnlo in mawtaw pei in gawisuk khapahlian cihi.

Aphual ah asihpah lohhang in alu liamgawp ahih manin zato ah amanlang in puak uhhi. Ahi zongin Sultan Ismail Hospital atun ciangin ata uh si cih kiza hi.

Hih thupiang tungtawn in naupang te kidop huai mahmah hi. Na mawtaw sungah naupang tutna bangzah in ahoihphial zongin amahguak anung ah tutsakpen lauhuai mahmah cih hongphawksak hi. Hih thupiang munlian bangah naupangpa gei ah anu atu hizenzenleh kongkhak akihong zongin anu in lenman khathei cih upmawhhuai mawkmawk hi. ZD Sawltak #zomidaily