Malaysia: Namsau tawh damiah ataihpa palik te’n zonsan

Malaysia: Namsau tawh damiah ataihpa palik te’n zonsan

Malaysia gamsung Ara Damansara ah zanni in pasal khatin namsau khattawh numei mawtaw hawlkhat damiah taih ahih manin, tuapa pen palik te’n azonsan laitak uh cih theSun Daily panin kiza hi. Tua namsau tawh damiah ataihpa pen CCTV sungah ki Record khacitciat ahih manin, Social Media tungah kizelpah zihziah hi.

Hih damiah kitaihna munpen Ara Damansara ah hi a, zingsang 3:50am hunpawl ahihi. Damiah taih athuak pen numei 2 hi a, CCTV sungah Myvi Motor te khattung ah atuangkhawm uh ahihi. Anungpan in Honda Civic Motor khatin zui a, hih numei 2 te aomna innsung lutnading Security Gate mai ah damiah akitaih hihtuak hi.

Honda Civic tungpan in pasal khat namsau tawh hong pusuakkhia a, Myvi Motor sung ah atuang te sawkphei cih Minute khatsung asawt CCTV video clip sungah ki muthei hi.

Amai ah Security tezong omleh kilawm ci a, ahi zongin namsau tawipa lau hidinghiam bangmah cihlo uhhi.

Hihvai tawh kisai Petaling Jaya district police chief ACP Mohd Zani Che Din zong akidot ciangin hih thupiangpen damiah kitaih amanthu mah hi ci’n genkhia cihi.

More: Malaysia, Hang Tuah vengah Motorcycle 15 meitawh kihalsak

Tua ahih manin hih damiah ataihpa akimatkhiat theihbaih nadingin CCTV enin ka kancian laitak uhhi ci’n Police Chief pa in genkhia hi.

Honda Civic Motor hoihpipi tawh damiah taihin avakvakzong omkawikawi ahih manin, kidop huai mahmah hi. ZD Sawltak #zomidaily