Malaysia leh North Korea: Misi luangkhat leh mihing 9 kikhekding

Malaysia leh North Korea: Misi luangkhat leh mihing 9 kikhekding

Kim Jong Nam kithahna vaitawh kizomto in North Korea gamsung aom Malaysian gammi te aciahding khakcipmawk uhhi. North Korea gamsung ah Malaysian gammi akigawm in mi 9 a awkciplai uh hi a, tuate pen zingcing Friday ni zingsanglam in Kuala Lumpur International Airport (KLIA) hongtungding kilamen cih CNA pan kiza hi.

Tua a awkcip tepen North Korea panin hongciahkhiat uhciangin vanleng mawkmawktawh hilo in, Royal Malaysian Air Force tawh hongciahding uh kici hi.

Banghangin North Korea in hih mi 9 te aciahding in phalta?

Kim Jong Nam ii aluanghawm pen asihni February 13 ni akipan Malaysia gamsung ah aki kemciplai ahihi. Atapa Kim Han Sol in aluanghawm lading in Malaysia hongpaiding kicici himahleh tunidong hong pailo hi. Hongpai ngamlo hihtuakpian zawmawk hi. Apa zong kithat ahih manin amau nuta zong aki thahding patau uh kici hi.

Kim Jong Nam pen North Korea te ii thahsak hiding kici a, anuntakna athahsak bekthamlo un, aluanghawmzong deihtuak mahmah mawk uhhi. Tu’n tua asikhin Kim Jong Nam ii aluanghawm tawh North Korea gamsung ah a awkcip, aciahding akiphallo Malaysian gammi mihing 9 te akikhek hiding kici hi.

Banghanghiam cihleh Kim Jong Nam ii aluanghawm pen tuni nitaklam 6pm hunpawl in Kuala Lumpur Airport pain Malaysia Airlines tawh ki puakhia tading cih kiza hi. Tua aluanghawm apiakkhiat ciangin North Korea gamsung ah aciahding aphalloh Malaysia gammi tezong zingciangin aciahsak panding uh ahihi.

Hih misi luangkhat leh mihing luang 9 akikhekding vaipen Malaysian prime minister Najib Razak leh North Korea gammakai te thukikupsimna “Sensitive Talks” khat nei uh a, tua thukikupna panin thukimna ngahin akikhek hiding kici hi.

Tuni nitaklam 3pm hunpawl in Kim Jong Nam ii aluanghawm apuading in aki ummawh Van khat MASkargo “Malaysia Airline te ii Cargo” ah kilutpih cihi.

Nitaklam 6pm in Malaysia Airlines tawh Kim Jong Nam ii aluanghawm pen kipua khiading ah China, Beijing City ah kitun masading hi.

Asi luangkhat apusuah khitciangin zingciang ahing mi 9 te North Korea panin Royal Malaysian Air Force tawh Malaysia aciah theipanding uh himawk hi.

Hih asi leh ahing luang kikhekna vaipen Malaysia Inspector-General of Police Khalid Abu Bakar inzong Reporters te tungah gencianna neinuamlo hi. “Kim Jong Nam luanghawm vaitawh kisai in aki vaihawmkhat omhi. Banghiam cihpen genkhia nuamkeng, ahi zongin Statement hongki khahkhiatding nangak un” ci’n News Conference ah genkhiaziau hi.

Ih zakzaksa mahbangin Kim Jong Nam pen tulaitak North Korea Leader asemlaitak ahi Kim Jong Un ii sanggam (nu kibanglo, pa kibang) ahihi. Kim Jong Nam pen February 13 ni in Kuala Lumpur Airport (KLIA2) sungah numeinih ki suamlumsak a, tuavai hangin Malaysia leh North Korea gamnih pen kizopna Relationship siasakgawp hi.

Agamsung aom Ambassador tetuak ki hawlkhiatsak uh a, ahi zongin agamsung aom gammi te aciahkhiatding kikhakciptuak uhhi.

More: KLIA2 sungah Kim Jong Nam kithahzawh khakhatsung thupiang te

North Korea gamsung ah ciahkhiatding akhakcip uh Malaysia gammi akigawm in 11 aom uh hi a, nungdiak in tualak ah mi 2 tepen ciahkhiathei uhhi. Tua aciahkhia theitepen United Nations kipawlna, World Food Programme ah nasem te ahi uhhi. ZD Sawltak #zomidaily