USA Oregon College sung thauphialkapna hangin mi 10 si

USA Oregon College sung thauphialkapna hangin mi 10 si

Thursday ni in USA Oregon State sung aom Umpqua Community College ah migilo khatin mipi phialkapgawp a, mi 9 kaplum cih Fox News in genkhia hi. Mi 9 akaplup khitciang in Police te’n amahzong kaplum ahih manin, nikhatsung in hih Umpqua Community College huangsung ah mi 10 in sihlawhziau hi.

Tuabang in mipi aphialkap gawppa pen Chris Harper Mercer kici minnei khat hi ci in CNN, CBS leh NBC Media te in genkhia uhhi.

Chris Harper Mercer pen kum 26 gualpawl hi a, ama ii athu pen akicianzaw in aki kanlaitak ahih manin kumpi thuneite’n Official in genkhiatna neikikding cih kiza hi. Hihpa pen Umpqua Community College ah sangnaupang zong hihtuaklo a, apualam panin honglut in sanghuangsung abuaisakgawp hihtuak hi.

Chris Harper Mercer ii gamtatna pen Terrorism tawh kizopna neikha hiam cih Counterterrorism Officials te’n alimkan mahmah laitak ahihlam zong Fox News te’n pulakkhia uhhi. Chris Harper Mercer ii mintawh Email History, Phone Logs, Social Media Profiles leh Online Activities tuamtuam te kumpi thukan te’n akancian laitak ahihi. ZD Sawltak #zomidaily