Malaysia kumpi in Rohingya Refugee mi 300 nasep guanding

Malaysia kumpi in Rohingya Refugee mi 300 nasep guanding

Malaysia kumpi in Pilot Project khat patsawm uh a, agamsung aom Rohingya Refugee te lakpan in mi 300 nasep zonsaksawm uh cih http://aa.com.tr/ in pulakkhia hi. Hih Pilot Project pen kum 3 sung akizangding cihi.

Deputy Prime Minister Ahmad Zahid Hamidi in zanni Monday ni in Parliament ah hihvai genkhiatna neikhin cihi. Myanmar, Rakhine State panin gambeel galtai in honglut Rohingya Refugee te Plantation leh Manufacturing Sectors te ah aseptheih nading in ki vaihawmsakding cihi.

Tua Pilot Project tungtawn in etcianna kineiding a, kumpi in agamsung aom Refugee te nasepkhuan piakdingleh piaklohding pen khentatding uh cihi.

Hihbang in avaihawm sakna pen hih mite agam uh aciahkikma, ahih keileh gamthumna akipuakma in anuntaktheih nading uh geelsakna in avaihawm uh cihi.

Rohingya Refugee tepen UNHCR ii ciaptehna ah leitung ah bawlsiat gentheih alimthuakpente ci’n aciapteh uh ahihi. Tuaban ah Muslim biakna vive ahih manin, Malaysia kumpi inzong veizawdeuh hileh kilawm hi.

Ahi zongin Syria panin alak uh Refugee tetawh hamphatna kibangsak tuanlo uhhi. Syria panin atungte bangin omnading leh nasep zonsakding cihte pen kihello cihi.

Rohingya Refugee ahilo adang minam tuamtuam Refugee te bangci bangin hong panpihzo uhtammaw??? ZD Sawltak #zomidaily