Malaysia Johor Bahru ah Kawlgammi khat kithat

Malaysia Johor Bahru ah Kawlgammi khat kithat

Johor Bahru ah tuni in Kawlgammi kum 24 aphapan khat aomna innsung ah asisa in kimu cih New Starits Times pan kiza hi. Johor Baru South police chief Assistant Commissioner Sulaiman Salleh in agenkhiatna ah zingsang 10:30am hun in hihvai palik te kiangah hongki zasak ci a, asi pen Restaurant ah nasemmi khat ahihi.

Palik te amun atun ciangin sitcianpah uh a, asipa pen Ye Naing Tun cih minnei pasal khat ahihi. Ama pumpi a et uhciang in 16cm asau temta khattawh aki dawtgawp hi a, a innsungteng si tawh kidim zihziah cihi.

Taman Gaya akicihna nasem te omnading in akipia inn dawlthumna ah aom hi a, tua innsung ah aki dawtlum ahihi.

Tua inndeisung ah zuthawlhawm tampi ki koih phengphang ahih manin, palik te’n hih mun ah zi ki limnek mahmah hiding cihzong genkhia uhhi.

Hih asipa pen aki thahlupkhit ciangin a ompihte zong tua inndei sungah omngawm nawnlo uh a, taimang uhhi. Asipa aki dawtlupna in aki ummawh temta zong tua inndeisung mahah asipa luangtawh ki mukhawm hi.

Hihvai hangin palik te’n mithatlak ah aki helding in a ummawh uh zongpah uh a, Ulu Tiram acihna sungpan in tusung 12:45pm hunpawl in mi 3 mankhia khin uhhi. Tua amatte pen kum 29 leh kum 34 kikalpawl hi uh a, giahbuk khatpan amatkhiat uh ahihi.

Tuatelo adang Kawlgammi khatzong Taman Johor aom Factory khatpan sun 1:30pm hunin kiman leuleu hi. Hih amatpa pen kum 21 bek phapan hi. Palik makaipa genna ah hih kithahna pen Section 302 Penal Code tawh kituak in kithahlupna vai ahih manin, ki kancian laiding hi ci’n genkhia hi. ZD Sawltak #zomidaily