Malaysia, Johor aom Shopping Mall te ah July khapan Plastic leh Polystyrene kizang nawnloding

Malaysia, Johor aom Shopping Mall te ah July khapan Plastic leh Polystyrene kizang nawnloding

Malaysia, Johor sung aom Hypermarkets leh Supermakerts khempeuh ah hongtungding July 01 ni akipan Plastic Bags leh Polystyrene Containers te zangsak nawnvetlo ding cih ANN pan kiza hi. Tuate akizat tangin cidamna tawh akituatzaw Biodegradable Products tebek ki zangsakding cihi.

State Health, Environment, Education and Information Committee chairman Datuk Ayub Rahmat in agenkhiatna ah ataktak in Hypermarkets khempeuh ah tukha akipan zatnawnlohding akigeel hi a, ahi zongin Ramadan leh Hari Raya Aidilfitri tawh kituak ahih manin, aki khaangto ahihi ci’n genkhia hi.

01 Jan 2018 kumciang in Johor State sung khempeuh “plastic and polystyrene-free” ahihzawh nadingin ahanciam mahmah laitak uh hi a, tua ii kalmasa “First step” ahihi ci’n Johor Education Department ah Ayub Rahmat in genkhia hi.

Cidamna tawh akituaklo Plastic leh Polystyrene te laihnading in Biodegradable Products pen abawlkhiading Johor Biotechnology and Biodiversity Corp (J-Biotech) te kisehkhin cihi.

J-Biotech te’nzong sawlna aomsa mahbangin bangci laihding cih Supermarkets leh Hypermarkets tetawh kikupna neikhin uhhi.

Tuavai tawh kisai in Johor Mentri Besar Datuk Seri Mohamed Khaled Nordin in bangci bangin geelna kinei cihpen asawtlo in tangko khiakikding cihi.

Tuaban ah vanleiding in Shopping Mall ah apai khuasung mipi te’n innpan in Shopping Bags hong puaciatleh cihzong Ayub Rahmat in genkhia hi.

Iskandar Malaysia sungteng ah 2025 kumciang in Carbon Emission 58% bang akiam nading in “Low Carbon Society Blueprint for Iskandar Malaysia 2025” cih thulu tawh ahanciam mahmah uh ahihi.

Tua hanciamna pen atomin IMELC kici a, amal kicing in “Iskandar Malaysia Ecolife Challenge” acihnopna ahihi. IMELC pen abeisa kum 4 hunlai pekpan in akipankhia hi a, Johor Iskandar Area sung aom Primary School 77 te ah phattuamna tampitak omkhin cihi.

IMELC Program hangin Water Bill leh Electricity Bill tezong tampitak kiamsaktuam cihi.

More: Johor kumpi huangsung ah Petrol Bomb alawnphei pasal khat kiman

Tukum ciangin IMELC Program pen Sanginn 346 ah ki khanto a, sangnaupang 34,000 bangin lawptak in kihel uhhi. Johor Iskandar pen “Low Carbon Society” taktak ahihding ki lamen mahmahta hi. Hihbang in aki vaihawmna pen Carbon Emission akiam nading leh ihteenna leitung kepcing nading ahihi. Sawltak #zomidaily