Malaysia, Ipoh ah Kawlgammi numei kizuak 19 kiman

Malaysia, Ipoh ah Kawlgammi numei kizuak 19 kiman

Malaysia, Ipoh khuasung aom “Health Center” khatpan palik te’n numei kizuak 20 mankhia uh cih theStar pan kiza hi. Ipoh khuasung aom Jalan Kampar aom Health Center khatpan akiman hi a, numei akizuak mi 20 lakah Myanmar gammi 19 hi in, adangkhatpen Vietnam gammi ahihi.

Vietnam gammi numei kizuaknu pen kkum 17 bek phapan cihi. Perak CID chief Senior Asst Comm Datuk Gan Tian Kee in agenkhiatna ah “Bukit Aman’s Anti-Trafficking in Persons and Anti-Smuggling of Migrants (Atipsom)” panin kizaksakna Report om ahih manin, Thursday nitaklam 5:45pm hunpawl in Health Center sungteng Checking kipawl cihi.

Gamdangmi numei kizuak “‘Foreign Prostitutes” akigawm in mi 20 kimankhia a, tualak ah kumcing nailo Teenager khatzong kihel ci’n genkhia hi.

Tuaban ah Condoms 175, Lubricant honkhat, Baby Oil, Mobile Phones 4 leh sumtangin RM6670 zong kimankhia ci’n Malaysia Police te’n Friday ni in Statement ah khahkhia uhhi.

Thuneite apaiciang ki bukciptheih nadingin akibawl Secret Doors honna Remote 2, Walkie-talkie 2, Monitor Screens 2, CCTV Decoders 2 leh Business Operation Lecence tezong ki mukhia ci’n SAC Gan in genkhia hi.

Numei kizuak mi 20 banah hih Health Center sungpan in pasal 5 zong kiman uhhi. Tua pasal 5 tepen Cashier 1, Supervisor 1, mi encik leh mipang in aom Sentry (Santali) 1 leh Customer 2 ahi uhhi.

Health Center panin avek in mi 25 akimankhia hi a, “Section 12 and 14 of Atipsom” thukhun tawh kizui in thu kibawlding cih kiza hi.

More: Puteek khat numei kizuak khattawh aomkhop laitak si in awksuak

Kawlgammi (Myanmar) zong koikoi ah nakicingzo, naki helzo kawikawi mah ei. Myanmar cihciangbek in News ah ki suaksakven, kua minam khawng ahimah tammaw. Kawlgammi vive hipian mawkven, Kawlsai akicici te lakah “Kawlsai” kician mahmahpen khading hi 🙂 ZD Sawltak #zomidaily